Սյունիքում հյուպատոսություն բացելու Ֆրանսիական գաղափարն այլ երկրների կողմից կլինի ուշադրության աճ

Այսօր ԱԺ–ում լրագրողների հետ ճեպազրույցում ԱԳ փոխնախարար Պարույր Հովհաննիսյանը ասել է, որ երեկ Ռուսաստանի կառավարությունը հավանություն է տվել Սյունիքի մարզի Կապան քաղաքում գլխավոր հյուպատոսություն բացելու համաձայնագրին: Համապատասխան որոշումը ստորագրել է Ռուսաստանի կառավարության ղեկավար Միխայիլ Միշուստինը։ Նա նշել է որ, Ֆրանսիան էլ է հայտարարել Սյունիքում հյուպատոսություն բացելու մասին, ըստ նրա դա այլ երկրների կողմից կլինի ուշադրության աճ։

Հովհաննիսյանը ընդգծել է, որ հյուպատոսության հիմնումը նաև քաղաքական կոմպոնենտ է պարունակում`դա նշանակում է, որ կա հետաքրքրություն այս կամ այն տարածաշրջանի նկատմամբ։

Հարցին` արդյոք հակասություններ չկան հայ-ռուսական ներկայիս լարված հարաբերությունների և ՀՀ–ի կողմից համաձայնություն հայտնելու մեջ, որ Սյունիքում ՌԴ հյուպատոսություն բացվի, փոխնախարարը նշել է, որ տարաձայնություններ կան նաև այլ երկրների հետ, բայց դա չի նշանակում հարաբերությունների խզում։

«Օրինակ` Ֆրանսիայից շատ դժգոհ ենք վիզաների իրավիճակով և հայտնում ենք խիստ դժգոհություն, բայց դա չի նշանակում, որ ԵՄ-ի հետ հարաբերությունները գտնվում են ճգնաժամային վիճակում։ Տարաձայնություններն ունեն իրենց տեղը, բայց հարաբերությունները գնում են իրենց հունով»,-նշել է նա։