ԵՄ երկրները պետք է պատրաստ լինեն շարունակել աջակցել Ուկրաինային

ԵՄ երկրները պետք է պատրաստ լինեն փոխհատուցել Ուկրաինային ԱՄՆ-ի օգնության համար, որը շուտով կարող է նվազել, հայտարարել է եվրոպական դիվանագիտության ղեկավար Ժոզեպ Բորելը Եվրոպական սոցիալիստների կուսակցության համագումարում։

«Եվրոպացիները, ովքեր ունեն անհրաժեշտ միջոցներ, պետք է պատրաստ լինեն <…> շարունակել աջակցել Ուկրաինային և ստանձնել հանձնառությունը Միացյալ Նահանգներից, քանի որ նրանց աջակցությունը, ամենայն հավանականությամբ, կնվազի», – ասել է նա:

Նոյեմբերի սկզբին Gallup-ը հրապարակել էր Կիևին ԱՄՆ աջակցության վերաբերյալ հետազոտություն: Ըստ դրա արդյունքների՝ ամերիկացիների ավելի քան 40 տոկոսը կարծում է, որ իրենց երկիրը չափազանց շատ բան է անում Ուկրաինայի համար։ Իսկ ձեռնարկատեր և միլիարդատեր Իլոն Մասկը ավելի վաղ հայտարարել էր, որ ԱՄՆ-ն նախ պետք է լուծի իր ներքին խնդիրները, ապա նոր միայն օգնի Կիևին։

Չորեքշաբթի օրը Սպիտակ տան ռազմավարական հաղորդակցության համակարգող Ջոն Քիրբին ասել էր, որ Վաշինգտոնը ռուսական հատուկ գործողության մեկնարկից ի վեր ծախսել է Ուկրաինային աջակցելու համար հատկացված բոլոր միջոցների 96 տոկոսը։