Իրանը թարմացրել է ՀՕՊ համակարգը՝ հաշվի առնելով նոր սպառնալիքները

Իրանը թարմացրել է իր հակաօդային պաշտպանության համակարգը՝ հաշվի առնելով նոր սպառնալիքները։ Այս մասին հայտարարել է Իրանի ՀՕՊ-ի հյուսիսարևելյան գոտու հրամանատար, բրիգադային գեներալ Մոհամմադռեզա Մասումին, փոխանցում է Mehr-ը։

Նրա խոսքով՝ Իրանի հակաօդային պաշտպանությունը կարող է հայտնաբերել ցանկացած սպառնալիք։ Նա հավելել է, որ եթե օդատիեզերական սպառնալիքները արագորեն աճում են, ապա պաշտպանական տեխնոլոգիաները երկրում նույն արագությամբ են զարգանում։

Հրամանատարը նաև հաստատել է, որ Իրանի ռազմական առաջընթացը միտված է միայն զսպելուն և վտանգ չի ներկայացնում իր հարևանների համար։