Հինգ երկրներ դիմել են ՄՔԴ՝ պահանջելով պատժել Իսրայելին

Հինգ երկրներ դիմել են Միջազգային քրեական դատարանի (ՄՔԴ) դատախազություն՝ պահանջելով հետաքննել Գազայի հատվածում իսրայելական բանակի հարձակումները։ Այս մասին հայտնում են թուրքական լրատվամիջոցները։

Խնդրանքը ներկայացրել են՝ Բանգլադեշը, Բոլիվիան, Ջիբուտին, Կոմորը և Հարավաֆրիկյան Հանրապետությունը։ Հայտարարության մեջ նշվում է, որ Հռոմի կանոնադրության համաձայն՝ մասնակից պետությունը կարող է դիմել ՄՔԴ դատախազություն՝ այլ մասնակից պետության տարածքում կատարված հանցագործությունները հետաքննելու համար։

«ՄՔԴ-ն հետաքննում է 2021 թվականի մարտի 3-ից դատարանի իրավասության ներքո գտնվող հանցագործությունները, որոնք կատարվել են 2014 թվականի հունիսի 13-ից Գազայի հատվածում և Արևմտյան ափին»: