Իրաքը բարեփոխում է իր բանկային համակարգը
Նմանատիպ
Իրաքի կառավարությունն ակտիվացնում է ջանքերը բանկային հատվածի բարեփոխման և փոխարժեքի խնդրի լուծման ուղղությամբ: Այս մասին հայտնում է ռուս-արաբական գործարար խորհուրդը։
Իրաքի վարչապետ Մուհամեդ Շիա աս-Սուդանին պետական բանկերի տնօրեններին հանձնարարել է մեկ ամսվա ընթացքում ներկայացնել զարգացման ծրագիր։ Բացահայտվում են նաև արտարժույթների նկատմամբ իրաքյան դինարի փոխարժեքի շարունակական արժեզրկման ուղղությամբ ձեռնարկված միջոցները։
Ֆինանսների նախարարի, Կենտրոնական բանկի նախագահի և պետական բանկերի տնօրենների մասնակցությամբ կազմակերպվել է հանդիպում՝ քննարկելու վարչական և բանկային բարեփոխումների շրջանակներում իրականացվող մեխանիզմներն ու միջոցառումները։
Հանդիպմանը քննարկվել է նաև ինտեգրված բանկային համակարգի ներդրումը բանկային բոլոր գործառնություններում առաջադեմ էլեկտրոնային ծրագրերի և ժամանակակից տեխնոլոգիաների կիրառման միջոցով: Նման քայլեր են ձեռնարկվում տնտեսական աճն ու զարգացումն արագացնելու համար։
Նշենք, որ Իրաքը շարունակում է չափազանց կախված լինել ամերիկացիներից արժութային և բանկային հատվածներում։ Ավելի վաղ ազդեցիկ քաղաքական ու կրոնական գործիչ, Իրաքի Գերագույն իսլամական խորհրդի (SICI) նախագահ Հումամ Համուդին նշել էր, որ Բաղդադը պետք է ձերբազատվի դոլարի գերակայությունից։
Հետևեք մեզ նաև Telegram-ում