Ադրբեջանը Նախիջևանում զորավարժություններ է անց կացրել

Ադրբեջանի զինված ուժերը Նախիջևանում հրամանատարաշտաբային զորավարժություններ են անց կացրել։ Այս մասին տեղեկացնում են ադրբեջանական լրատվամիջոցները։

Ադրբեջանցի զինվորականները, ըստ մարտական հրամանի, պայմանական հակառակորդի տեղակայման հատվածի վրա հարձակվելու խնդիր են կատարել։

Հիմնական շեշտը դրվել է բարձունքների գրավման վրա, որոնցից երևում են հակառակորդի պահեստներին մոտենալու ուղիները։