100 տարեկանում կյանքից հեռացել է ԱՄՆ նախկին պետքարտուղար Հենրի Քիսինջերը
![100 տարեկանում կյանքից հեռացել է ԱՄՆ նախկին պետքարտուղար Հենրի Քիսինջերը](https://times.am/v3/wp-content/uploads/2023/11/Image-350-e1701323723872-1200x630.jpeg)
Նմանատիպ
Նոյեմբերի 29-ին 100 տարեկանում կյանքից հեռացել է ամերիկացի պետական գործիչ, դիվանագետ, Խաղաղության Նոբելյան մրցանակի դափնեկիր, ԱՄՆ նախկին պետքարտուղար Հենրի Քիսինջերը։ Այս մասին հաղորդում է ՌԻԱ Նովոստին՝ Reuters-ին հղումով։
«Այսօր հարյուր տարեկանում Կոնեկտիկուտի իր տանը մահացել է Հենրի Քիսինջերը»,- ասված է գործակալության հաղորդագրության մեջ:
Ինչպես ՌԻԱ Նովոստիին հայտնել է քաղաքական գործչի օգնական Ջեյմս Բեյքերը, ԱՄՆ-ն նշանավոր դիվանագետի է կորցրել։ Նրա խոսքով՝ 1969-1977 թվականներին Քիսինջերն առանցքային դեր է խաղացել ամերիկյան արտաքին քաղաքականության գրեթե բոլոր կարևոր հարցերում։
Մասնավորապես, ինչպես հիշեցրել է Բեյքերը, նախկին պետքարտուղարին են վերագրում ԽՍՀՄ-ի հետ լարվածության լիցքաթափման քաղաքականությունը և ամերիկա-չինական հարաբերությունների հաստատումը։
Հիշեցնենք, որ Քիսինջերը ղեկավարել է ԱՄՆ պետքարտուղարությունը 1973-1977 թվականներին։
Հետևեք մեզ նաև Telegram-ում