Ամանորին ԵՄ տարածքում ահաբեկչության ռիսկերը բարձր են

Մերձավորարևելյան հակամարտության սրումը, ինչպես նաև դրա հետ կապված եվրոպական հասարակության բևեռացումը բարձր ռիսկեր են ստեղծել Սուրբ Ծննդյան և Ամանորի տոներին ԵՄ տարածքում ահաբեկչություններ իրականացնելու համար: Տեղեկությունը հայտնել է ներքին հարցերով եվրահանձնակատար Իլվա Յոհանսոնը։

«Իսրայելի և ՀԱՄԱՍ-ի միջև պատերազմը, ինչպես նաև բևեռացումը, որն առաջացել է դրա պատճառով մեր հասարակության մեջ, գալիք տոների և արձակուրդների շրջանում ԵՄ-ում ահաբեկչական հարձակումների մեծ ռիսկ են առաջացրել», – ասել է նա:

Յոհանսոնի խոսքով՝ նման սպառնալիքի կանխումը կդառնա Եվրամիության երկրների ներքին գործերի նախարարների այսօրվա խորհրդի օրակարգի թեմաներից մեկը: