Արմեն Գրիգորյանն ու Գերմանիայի կանցլերը քննարկել են համագործակցային հարցեր

Արմեն Գրիգորյանն ու Գերմանիայի կանցլերը մտքեր են փոխանակել անվտանգության ոլորտում հայ-գերմանական համագործակցության հարցերի շուրջ։ Այս մասին հայտնում են ՀՀ Անվտանգության խորհուրդից։

Դավոսում ՀՀ ԱԽ քարտուղար Արմեն Գրիգորյանը հանդիպել է ԳԴՀ կանցլեր Օլաֆ Շոլցի արտաքին և անվտանգության քաղաքականության հարցերով խորհրդական Յենս Պլյոտների հետ։

Կողմերը մտքեր են փոխանակել Հայաստանի և Գերմանիայի միջև անվտանգության ոլորտում համագործակցելու օրակարգային հարցերի և ձևավորված երկկողմ փոխշահավետ համագործակցության հետագա խորացման հեռանկարների շուրջ:

Հանդիպմանը քննարկվել է նաև Հայաստան-Ադրբեջան խաղաղության օրակարգը, ինչի շրջանակներում ՀՀ ԱԽ քարտուղարը ներկայացրել է վերջին զարգացումները: