Իրանում հաջողությամբ փորձարկել են փոքր հեռահարության ՀՕՊ համակարգը
20/01/2024 13:00
Նմանատիպ
Իրանի Իսլամական հեղափոխության պահապանների կորպուսի օդատիեզերական ուժերը հակաօդային պաշտպանությանը նվիրված «Հայրենի երկնքի պաշտպաններ-2024» համատեղ մասնագիտացված զորավարժությունների ընթացքում հաջողությամբ փորձարկել են փոքր հեռահարության «9 Դեյ» ՀՕՊ համակարգը։
Ինչպես փոխանցում է Irna գործակալությունը, այս մասին հայտարարել է զորավարժությունների պաշտոնական ներկայացուցիչ, երկրորդ բրիգադային գեներալ Աբբաս Ֆարաջպուրը:
«ԻՀՊԿ օդատիեզերական ուժերի փոքր հեռահարության և ցածր բարձրության «9 Դեյ» ՀՕՊ համակարգերը հաջողությամբ որսացել և ոչնչացրել են այն թիրախները, որոնք երկրի ՀՕՊ միասնական ցանցի կողմից սահմանվել են «Հայրենի երկնքի պաշտպանները» ՀՕՊ համատեղ մասնագիտացված զորավարժությունների ընթացքում», – նշել է նա:
Հետևեք մեզ նաև Telegram-ում