Ռուս հաքերները կոտրել են փոստարկղերը. Microsoft

Microsoft-ի կորպորատիվ համակարգերը հարձակման են ենթարկվել Midnight Blizzard հաքերային խմբի կողմից (հայտնի է նաև որպես Nobelium), որին ընկերությունը մեղադրում է Ռուսաստանի հետ կապեր ունենալու մեջ։ Այս մասին հաղորդվում է Microsoft-ի բլոգում։

Հաքերներն իրենց հարձակումները սկսել են անցյալ նոյեմբերին, սակայն ընկերությունը այդ մասին իմացել է միայն հունվարի 12-ին։ Հարձակումների արդյունքում հաքերները մուտք են գործել կորպորատիվ էլփոստի հաշիվների «շատ փոքր տոկոս»՝ ներառյալ ընկերության ղեկավարությանը, ինչպես նաև կիբերանվտանգության աշխատակիցներին և իրավաբաններին: Կիբերհանցագործները գողացել են որոշ նամակներ և դրանց կցված փաստաթղթեր: Ինչպես պարզել է հետաքննությունը, հաքերների նպատակը եղել է հենց Midnight Blizzard-ի գործունեության հետ կապված տեղեկատվությունը, նշել է Microsoft-ը։

«Հարձակումը չի առաջացել Microsoft-ի արտադրանքի կամ ծառայությունների խոցելիության պատճառով: Մինչ օրս ոչ մի ապացույց չկա, որ հարձակվողները մուտք են ունեցել հաճախորդի միջավայր, արտադրական համակարգեր, սկզբնական կոդ կամ արհեստական ​​ինտելեկտի համակարգեր»,- նշել են ընկերությունում։