Ռաիսին և Էրդողանը քննարկել են 3+3 ձևաչափը

Իրանի և Թուրքիայի նախագահներ Իբրահիմ Ռայիսին և Ռեջեփ Թայիփ Էրդողանը հանդիպման արդյունքներով համատեղ հայտարարություն են տարածել, որը հրապարակվել է Իրանի կառավարության կայքում։

Հայտարարությունում խոսվել է նաև կովկասյան տարածաշրջանի իրավիճակի, 3+3 ձևաչափի ու երկրների տարածքային ամբողջականությունը հարգելու մասին։

«Ընդգծվել է կովկասյան տարածաշրջանի երկրների տարածքային ամբողջականությունը հարգելու անհրաժեշտությունը։ Երկու երկրները «3+3» երկխոսության մեխանիզմը գնահատել են որպես համապատասխան հարթակ՝ մասնակից երկրների միջև խորհրդատվությունների և կառուցողական համագործակցության համար», – ասվում է հայտարարության մեջ։