Իրաքը փորձում է արգելել նավթի արտահանումը Հորդանան ամերիկյան ավիահարվածների պատճառով

Իրաքի խորհրդարանում ստորագրություններ են հավաքվում՝ արգելելու նավթի մատակարարումները Հորդանան, որը հումք է ստանում արտոնյալ գներով։ Պատգամավորները պահանջում են պատժել հարևաններին երկրին հարվածներ հասցնելու հարցում ԱՄՆ-ին ցուցաբերած օգնության համար։

«Պատգամավոր Մուստաֆա Ջաբբար Սանադն ասել է, որ ստորագրություններ է հավաքել խորհրդարանականներից՝ Հորդանան նավթի արտահանումը կասեցնելու վերաբերյալ բանաձեւի ընդունման համար։ Այս նախաձեռնությունը պատասխան էր Հորդանանի մասնակցությամբ Իրաքի արևմտյան շրջաններին ամերիկյան օդուժի կողմից իրականացված ավիահարվածներին»,- հայտնում է «Շաֆաք» գործակալությունը։

«Ես հավաքել եմ խորհրդարանականների ստորագրությունները՝ խորհրդարանի որոշում կայացնելու համար՝ պահանջելով, որ նավթի նախարարությունը դադարեցնի սուբսիդավորվող նավթի վաճառքը Հորդանանին», – ասել է պատգամավորը։

Նա գործակալությանը ցույց է տվել հայտարարություն և պատգամավորների ստորագրությունների ցուցակը, որոնք պահանջում են այդ հարցը ներառել խորհրդարանի առաջիկա նստաշրջանի օրակարգում։

Հորդանանի «Jordan Times» հրատարակությունում, իր հերթին, հաղորդագրություն է հայտնվել, որ թագավորության օդուժը չի մասնակցել Իրաքի ավիահարվածին, և երկրի իշխանությունները հարգում են Իրաքի ինքնիշխանությունը, որը եղբայրական երկիր է:

Շաֆաքը նշում է, որ սա առաջին դեպքը չէ, երբ Բաղդադը փորձում է արգելել նավթի մատակարարումները Հորդանան՝ ամերիկացիների հետ համագործակցության համար։ Գործակալության տվյալներով՝ ընթացիկ արտահանումը դեպի հարեւան երկիր փոքր է՝ ըստ էության՝ մինչև 15 հազար բարել։ Հորդանանն իրաքյան նավթը ստանում է իջեցված գնով՝ բարելի դիմաց 16 դոլարով էժան։