Կիպրոսն աջակցում է Հայաստան-ԵՄ հարաբերությունների խորացմանը
Նմանատիպ
Կիպրոսը վճռականորեն աջակցում է Հայաստանի հետ հարաբերությունների խորացմանը։ ՀՀ ԱԳ նախարար Արարատ Միրզոյանի հետ համատեղ մամուլի ասուլիսի ընթացքում այս մասին ասաց պաշտոնական այցով Հայաստանում գտնվող Կիպրոսի Հանրապետության ԱԳ նախարար Կոնստանտինոս Կոմբոսն, ընդգծելով, որ իրենք կողմ են նաև նրան, որ Եվրոպական միությունն ավելացնի իր առաքելությունը Հայաստանում։
«Ինչ վերաբերում է ԵՄ-Հայաստան կապին, ապա Կիպրոսը վճռականորեն աջակցում է Երևանի հետ հարաբերությունների խորացմանը և ԵՄ ներկայության ավելացմանը Հայաստանում գործող առաքելությանը», – ասուլիսի ընթացքում շեշտեց ԱԳ նախարարը։
Բացի այս, Կոնստանտինոս Կոմբոսը նաև ընդգծեց, որ ԵՄ-Հայաստան ինստիտուցիոնալ երկխոսության ուղղությամբ Կիպրոսն անխոնջ կաշխատի և վճռականորեն կաջակցի տնտեսական և քաղաքական միջոցառումներին, որոնք Հայաստանին կմոտեցնեն Եվրոպական միությանը՝ միևնույն ժամանակ խթանելով բարեփոխումների օրակարգը։
Հիշեցնենք, որ երկօրյա պաշտոնական այցով Հայաստանում է գտնվում Կիպրոսի Հանրապետության արտաքին գործերի նախարարի գլխավորած պատվիրակությունը:
Հետևեք մեզ նաև Telegram-ում