Եվրոպան մշակել է արհեստական ինտելեկտի մասին միասնական օրենք

Արհեստական ինտելեկտի մասին նույնական կարգավորումները Եվրոպայում ուժի մեջ կմտնեն հաջորդ ամսվանից։

«Այդ օրենքն իր տեսակի մեջ առաջինն է աշխարհում, որը լուծում է գլոբալ տեխնոլոգիական խնդիրը, ինչը նաև հնարավորություններ է ստեղծում մեր հասարակությունների և տնտեսությունների համար։ Արհեստական ինտելեկտի մասին օրենքի շնորհիվ Եվրոպան ընդգծում է վստահության կարևորությունը՝ նոր տեխնոլոգիաներ կիրառելու ընթացքում», – Բելգիայի թվայնացման նախարար Մատյե Միշելի խոսքերը փոխանցում է Reuters-ը։

Ինչպես գրում է  աղբյուրը, արհեստական ինտելեկտի մասին ԵՄ-ի ընդունած օրենքն ավելի համընդգրկուն է, քան ԱՄՆ կամայական մոտեցումն այդ ոլորտին։ Աղբյուրը նաև նկատում է՝ արեհստական բանականության հարցում Չինաստանի մոտեցումը նպատակաուղղված է սոցիալական կայունության և պետական վերահսկողության պահպանմանը։

Այդ օրենքը սահմանափակում է կառավարությունների կողմից բիոմետրիկ դիտարկման մեթոդների օգտագործումն իրական ժամանակում՝ հանրային վայրերում որոշակի հանցագործություններ տեղի ունենալու դեպքում։

Նոր օրենքը տարածվելու է 27 երկրների սահմաններից դուրս։ Այն մեծ ազդեցություն է ունենալու նաև ԵՄ սահմաններից դուրս գործող ընկերությունների վրա․ այն ընկերությունները, որոնք օգտագործում են  ԵՄ հաճախորդների տվյալները իրենց ԱԻ հարթակներում, պետք է հետևեն այդ օրենքի տարրրերին»,-ասել է Cooley իրավաբանական ընկերության ներկայացուցիչ Պատրիկ վան Էկկեն։

Եթե 2026թ․ արդեն ուժի մեջ կմտնի միասնական օրենքը, ապա սոցիալական ցանցերում, ոստիկանության կողմից  ԱԻ-ի օգտագործման արգելքը կսկսվի կիրառվել  օրենքի ուժի մեջ մտնելուց վեց ամիս անց։

ԱԻ մոդելների հետ կապված պարտականություններն ընդհանուր առմամբ կկիրառվեն մեկ տարի անց, իսկ ԱԻ համակարգերի նկատմամբ իրավունքները՝ 36 ամիս անց։