«Ռոսատոմ»-ն ու ՄԱԳԱՏԷ-ն քննարկել են Կուրսկի ատոմակայանի անվտանգության հարցը

Կուրսկի ուղղությամբ Ուկրաինայի Զինված ուժերի ձեռնարկած գործողությունների ֆոնին ռուսական կողմի նախաձեռնությամբ հեռախոսազրույց է տեղի ունեցել ՄԱԳԱՏԷ-ի ղեկավար Ռաֆայել Գրոսսիի և «Ռոսատոմի» գլխավոր տնօրեն Ալեքսեյ Լիխաչովի միջև: Այս մասին հայտնում են «Ռոսատոմ»-ից։

Հեռախոսազրույցի ընթացքում քննարկվել է Կուրսկի ատոմակայանի անվտանգությունն ապահովելու խնդիը։

«Ռաֆայել Գրոսսին կարևորել է միջուկային անվտանգության սկզբունքների պահպանումը, ատոմակայանի ֆիզիկական ամբողջականության ապահովումը»,- նշված է «Ռոսատոմի» հաղորդագրությունում։

Ռոսատոմից հայտնում են նաև, որ Ատոմային էներգիայի միջազգային գործակալությունը վերահսկելու է Կուրսկի ատոմակայանի շուրջ իրավիճակը և միջազգային հանրությանը տեղեկացնելու է իրադարձությունների զարգացման մասին։