Ադրբեջանի ԶՈւ ուղղաթիռները վարժական թռիչքներ են իրականացրել

Ադրբեջանի ռազմաօդային ուժերի ուղղաթիռային ստորաբաժանումներն ուսումնավարժական թռիչքներ են իրականացրել։ Այս մասին տեղեկանում ենք ադրբեջանական լրատվամիջոցներից։

Նշվում է, որ թռիչքները կատարվել են սահմանված երթուղիներով, թռիչքներ և վայրէջքներ են իրականացվել ցերեկային և գիշերային ժամերին, կատարվել են օդային հետախուզության, ինչպես նաև այլ տեսակի գործողությունների առաջադրանքներ։

Ուսումնական թռիչքների նպատակն է բարձրացնել մարտական պատրաստվածությունը, կատարելագործել գործնական հմտությունները։