Թրամփը ամերիկացիներին կնվիրի իր կոստյումի կտորտանքները

ԱՄՆ նախկին նախագահ և Նախագահի թեկնածու Դոնալդ Թրամփը հայտարարել է թվային առևտրային քարտերի նոր խմբաքանակի վաճառքի մեկնարկի մասին։ Ընդ որում, գնորդներին խոստացել է նվիրել այն կոստյումի կտորտանքներից, որով ելույթ է ունեցել ԱՄՆ նախագահ Ջո Բայդենի հետ բանավեճում:

«Գնեք Թրամփի 15 կամ ավելի թվային առևտրային քարտեր, և մենք ձեզ կուղարկենք գեղեցիկ ծրարներ: Յուրաքանչյուր ծրարի մեջ կլինի իմ կոստումից մի մասնիկ, որը ես կրել եմ նախագահական բանավեճերի ժամանակ», – հայտարարել է Թրամփը սոցիալական իր ցանցում:

Թրամփը նշել է, որ 2024 թվականի հունիսին CNN-ի տաղավարում տեղի ունեցած բանավեճից հետո, որը հանգեցրեց Բայդենի մրցապայքարից դուրս գալուն, կոստյումին տվել է «նոկաուտ» մականունը։

Բացի այդ, գնորդներից նրանք, ովքեր ձեռք կբերեն 75 և ավելի թվային քարտեր, կհրավիրվեն Թրամփի հետ ճաշելու Ֆլորիդայի նահանգի ծայրամասային ակումբում: