Մահվան ելքով խոշոր վթար՝ Ադրբեջանում․ ութի վիճակը ծայրահեղ ծանր է

Ադրբեջանի Գուբինի շրջանում միկրոավտոբուս է վթարվել։ Ինչպես գրում է ԱՊԱ գործակալությունը, Գուբա-Խաչմազ հատվածում տեղի ունեցած վթարի հետևանքով 8 հոգի ծայրահեղ ծանր վիճակում են, ևս 1 հոգի տեղում մահացել է։ 

Այսօր առավոտյան՝ ժամը 8-ի սահմանում տեղի ունեցած ճանապարհատրանսպորտային պատահարից տուժածների ընդհանուր թիվը 14 է․ նրանցից 8-ը, որոնք գտնվում են ծայրահեղ ծանր վիճակում, տեղափոխվել են հիվանդանոցներ։