Եկեղեցին որևէ մեկի առջև ո՛չ կխոնարհվի, ո՛չ ծնկի կգա․ Նաթան Սրբազան

Եկեղեցին որևէ մեկի առջև ո՛չ կխոնարհվի, ո՛չ ծնկի կգա՝ բացի մեր տիրոջից ու Աստծուց։ Թող մտահոգվեն նրանք, ովքեր չեն խոնարհվում ու ծնկի չեն գալիս Աստծո առջև։ Այս մասին լրագրողների հետ հանդիպման ժամանակ ասաց Մայր Աթոռ Ս. Էջմիածնի Արտաքին հարաբերությունների և արարողակարգի բաժնի տնօրեն Տ. Նաթան արքեպիսկոպոս Հովհաննիսյանը՝ անդրադառնալով իշխանությունների այն հայտարարություններին, որ եկեղեցականներին պետք է ծնկի բերեն։

«Բոլոր հեղափոխություններից հետո եկեղեցու նկատմամբ նոր իշխանությունները որոշակի վերաբերմունք են ունեցել, վախ են ունեցել», – շեշտեց նա։