Եթե Իսրայելը գործողություններ ձեռնարկի Իրանի դեմ, կստանա ջախջախիչ պատասխան

ՄԱԿ-ում Իրանի առաքելությունը Իսրայելի վրա հրթիռային հարձակումն անվանել է օրինական պատասխան Իսրայելի ահաբեկչական գործողություններին և նրա կողմից Իսլամական Հանրապետության ինքնիշխանության խախտմանը:

«Իրանի օրինական, ռացիոնալ և լեգիտիմ պատասխանը Իսրայելի ռեժիմի ահաբեկչական գործողություններին, որոնք ուղղված էին Իրանի քաղաքացիների և շահերի դեմ և ոտնձգություն էին կատարում Իրանի Իսլամական Հանրապետության Ազգային ինքնիշխանության դեմ, պատշաճ կերպով իրականացվեց: Եթե Իսրայելի ռեժիմը համարձակվի պատասխանել կամ չարամտության նոր գործողություններ կատարել, ապա կհաջորդի ջախջախիչ պատասխան»,-հայտնել է առաքելությունը։