Մեծ Բրիտանիան թույլ չի տա Կիևին հեռահար հրթիռներով հարվածել ՌԴ տարածքներին

Մեծ Բրիտանիան չի փոխել իր դիրքորոշումը ու չի վերացնի արգելքը, որպեսզի Կիևը հնարավորություն ստանա Բրիտանական Storm Shadow հրթիռներով հարվածելու Ռուսաստանի տարածքներին։ Այս մասին պարզ է դարձել Լոնդոնում Մեծ Բրիտանիայի վարչապետ Կիրա Սթարմերի և Վլադիմիր Զելենսկու հանդիպումից հետո:

«Վարչապետի ներկայացուցիչը հայտարարել է, որ Storm Shadow հրթիռների վերաբերյալ դիրքորոշումը չի փոխվել, չնայած Զելենսկու հետ հանդիպմանը», – ասվում է հաղորդագրության մեջ:

Հանդիպման արդյունքում Սթարմերը և Զելենսկին պայմանավորվել են ձեռնարկել բոլոր միջոցները, որպեսզի Ուկրաինան կարողանա դիմագրավել մոտալուտ ձմռանը և հաղթահարել սպասվող դժվարությունները։