Գերմանիան պատրաստ է Ուկրաինային փոխանցել Taurus հեռահար հրթիռներ

Գերմանիայի կանցլերի թեկնածու Ֆրիդրիխ Մերցը հայտարարել է, որ եթե Ռուսաստանը չդադարի հարվածներ հասցնել Ուկրաինայի տարածքին, նա պատրաստ կլինի Կիևին փոխանցել Taurus հրթիռները։ Այս մասին գրում է lenta.ru-ն։

«Եթե ռմբակոծությունները չդադարեն, ապա առաջին քայլը կլինի հանել հեռահար գործողությունների սահմանափակումները։ Իսկ երկրորդ քայլը՝ Taurus-ի առաքումը»,- ասել է Մերցը։ Նա նշել է, որ Գերմանիան պետք է անի հնարավորը, որպեսզի Ռուսաստանը ռազմական գործողությունների շարունակությունն անհույս նախաձեռնություն համարի: «Ռիսկը գնալով մեծանում է։ Ուկրաինայում տեղի ունեցող իրադարձություններին նայում եմ ահագնացող անհանգստությամբ»,-հավելել է քաղաքական գործիչը։ Նա ընդգծել է, որ Ռուսաստանը սպառազինությունն ավելի շատ ավելացնում է, քան այժմ օգտագործվում է ռազմաճակատում։

Կիևին այդ սպառազինության մատակարարմանը դրական է արձագանքել նաև Գերմանիայի ԱԳ նախարար Աննալենա Բերբոկը։
«Չնայած, որ մեր երկիրը ժողովրդավարական է և կոալիցիայում չունենք ընդհանուր համաձայնություն Taurus-ի մատակարարումների հարցում Ռուսաստանի դեմ, բայց ակնհայտ է՝ անձամբ ես աջակցում եմ Կիևին նման զենք ուղարկելուն»,-նշել է գերմանական դիվանագիտության ղեկավարը։