Tesla-ն թողարկել է իր 7 միլիոներորդ էլեկտրական մեքենան և գերազանցել եռամսյակի եկամուտների կանխատեսումները

Այս տարվա երրորդ եռամսյակում Tesla-ն արտադրել է իր պատմության ընթացքում 7 միլիոն երրորդ ավտոմեքենան և գերազանցել եռամսյակի եկամուտների կանխատեսումները։ Բացի դրանից՝ ընկերության էլեկտրական մեքենայի միջին արժեքը նվազել է մինչև 35,100 դոլար ռեկորդային ցածր մակարդակի: Այս մասին գրում է tech.news.am-ը։

Նշված ժամանակահատվածում ընկերության հասույթն ավելացել է 8%-ով՝ կազմելով 25,18 մլրդ դոլար, մինչդեռ վերլուծաբաններն ակնկալում էին, որ այն կկազմի 25,37 մլրդ դոլար։ Ընկերության շահույթը տարեկան կտրվածքով ավելացել է 17%-ով մինչև 2,17 մլրդ դոլար՝ գերազանցելով վերլուծաբանների սպասումները:

Tesla-ն իր 7 միլիոներորդ մեքենան թողարկել է հոկտեմբերի 22-ին: Այս ամիս Շանհայում Tesla-ի չինական գործարանը նույնպես արտադրել է իր 3 միլիոներորդ էլեկտրական մեքենան, իսկ սեպտեմբերին արտահանել է իր միլիոներորդ էլեկտրական մեքենան։ Tesla-ի ղեկավարությունը համեստորեն է խոսել Cybertruck-ի պիկապների արտադրության մասին՝ նշելով միայն արտադրության ծավալների հետևողական աճը և այն, որ մոդելն արդեն վնասով չի արտադրվում և ԱՄՆ շուկայում դարձել է երրորդ ամենահայտնի էլեկտրական մեքենան Model Y-ից և Model 3-ից հետո:

Tesla-ն հայտարարել է, որ ապրանքանիշի միջին էլեկտրական մեքենայի արժեքը հասել է պատմական նոր նվազագույնի՝ 35,100 դոլարի։ Դա մասամբ պայմանավորված է հումքի և բաղադրիչների գների դինամիկայի հետ, սակայն ընկերությունը վճռական է շարունակել նվազեցնել էլեկտրական մեքենաների արտադրության ծախսերը: Դրան կնպաստի հաջորդ տարի մոդիֆիկացված Model 3-ի և Model Y-ի թողարկումը, որոնցում կկիրառվեն նոր հարթակի տարրերն ու տեխնոլոգիաները, բայց կկարողանան արտադրվել գոյություն ունեցող ձեռնարկություններում:

Մինչև 2026-ը Tesla-ն դեռ պատրաստվում է կատարելագործել մեքենաների արտադրությանը՝ հիմնված հեռանկարայային էժան հարթակի վրա և օգտագործելով նոր տեխնոլոգիաներ, բայց առաջնեկը կլինի նույն ռոբոտացված ավտոմատ տաքսին՝ Cybercab-ը:

Մասկն ընդգծել է, որ Tesla-ն հավատարիմ է իր բոլոր էլեկտրական մեքենաներն ինքնավար դարձնելուն։ Սակայն HW3 սերնդի սարքավորումներ ունեցող ոչ բոլոր մեքենաները կկարողանան հասնել դրան առանց ապարատային թարմացման: Արդեն շաբաթվա կտրվածքով ընկերությունն արտադրում է մոտ 35,000 մեքենա՝ տեխնիկապես պատրաստ ճանապարհներին ինքնուրույն տեղաշարժվելու համար։