Հայոց ցեղասպանության ճանաչման հարցը ՀՀ արտաքին քաղաքականության առաջնահերթություն չէ․ Արարատ Միրզոյան

Հայոց ցեղասպանության ճանաչման հարցը Հայաստանի արտաքին քաղաքականության օրակարգում առաջնահերթություն չէ։ Այս մասին ԱԺ-ում 2025 թվականի բյուջեի քննարկման ժամանակ հայտարարեց ՀՀ ԱԳ նախարար Արարատ Միրզոյանը։ 

«Հայոց ցեղասպանության միջազգային ճանաչման հարցը Հայաստանի արտաքին քաղաքական օրակարգում առաջնահերթություն չէ»,- նշեց նա, հավելելով, որ պատմության ողբերգական էջերը պետք է ուսումնասիրեն պատմաբանները։

Ինչ վերաբերում է Բաքվում կայանալից COP-29 գագաթնաժողովին Հայաստանի մասնակցությանը, ՀՀ ԱԳ նախարարը նշեց, որ այդ հարցը դեռևս հաստատված չէ։

«Հրավերը ստացել ենք, որևէ պաշտոնական արձագանք ու վերաբերմունք այս հարցում չենք դրսևորել»,- ասաց նա, միաժամանակ չբացառելով Հայաստանի մասնակցությունը գագաթնաժողովին։

Խոսելով գերիների խնդիրը COP-29-ում բարձրացնելու մասին՝ Միրզոյանն ասաց, որ գերիների ու այլ պահվող անձանց անհապաղ ազատ արձակման հարցը Հայաստանի մշտական քննարկման ու թիվ մեկ առաջանհերթություններից մեկն է։