Visa-ն համագործակցում է Affirm-ի հետ` ԱՄՆ-ում ճկուն վճարման քարտ գործարկելու համար. Reuters

Visa-ն համագործակցում է Affirm ֆինանսատեխնիկական ընկերության հետ՝ ԱՄՆ-ում քարտեր թողարկելու նպատակով։ Այդ քարտերը հաճախորդները կկարողանան օգտագործել ինչպես դեբետային գործարքների, այնպես էլ առօրյա գնումներ կատարելու համար՝ ավելի ուշ վճարման տարբերակով, ինչը վկայում է վճարման տարբերակների ճկունության աճող պահանջարկները:

Ընկերությունը այս գործառույթը սկսել է գործարկել Liv Bank-ի հետ համագործակցության շրջանակներում Արաբական Միացյալ Էմիրություններում։ Նախատեսում է առաջիկա ամիսներին ընդլայնել այն դեպի Եվրոպա:

Visa-ի Flexible Credential գործառույթը հասանելի է Հոնկոնգում, Ճապոնիայում, Ֆիլիպիններում, Սինգապուրում, Թաիլանդում և Վիետնամում:

«Իր ընդլայնման համար առաջիկա 12 ամիսների ընթացքում ընկերությունը կհամագործակցի տարբեր թվային և ավանդական բանկերի հետ»,-ասել է ասել է Visa-ի սպառողական արտադրանքի գլոբալ ղեկավար Մարկ Նիլսենը և հավելել, որ իրենք ֆինանսատեխնիկական ընկերություններին հարթակ են տրամադրում՝ լայնածավալ նորարարություններ իրականացնելու համար։