Սյունիքով Ադրբեջան-Նախիջևան հաղորդակցության հարցով հասել ենք լուրջ արդյունքների․ Գալուզին

Հայ և ադրբեջանցիների մեր գործընկերների հետ եռակողմ աշխատանքային խմբի շրջանակներում Ադրբեջանի և Նախիջևանի երկաթուղային հաղորդակցության հարցով հասել ենք լուրջ արդյունքների։ Այս մասին հայտարարել է ՌԴ փոխարտգործնախարար Միխայիլ Գալուզինը։

«Եռակողմ աշխատանքային խմբի շրջանակներում փոխըմբռնում է ձեռք բերվել, թե ինչպես կարելի է վերականգնել Ադրբեջանի և Նախիջևանի երկաթուղային հաղորդակցությունը։ Տրանսպորտային հաղորդակցությունների ապաշրջափակման հարցը շատ կարևոր է, հատկապես երկաթուղին։ Խոսքը, այո, Հայաստանի Սյունիքի մարզով Ադրբեջան-Նախիջևան ճանապարհի մասին է»,- նշել է ՌԴ ԱԳ նախարարի տեղակալը։