Պուտինն ու Զելենսկին պետք է պատրաստվեն խաղաղության․ Թրամփ

Վլադիմիր Զելենսկին պետք է նախապատրաստվի Ուկրաինայում հակամարտության ավարտի վերաբերյալ համաձայնագրի կնքմանը։ Այս մասին հայտարարել է ԱՄՆ նորընտիր նախագահ Դոնալդ Թրամփը:

«Նա պետք է պատրաստվի գործարքի կնքմանը»,-նշել է նա:

Թրամփը նաև հավելել է, որ Ռուսաստանի նախագահ Վլադիմիր Պուտինը նույնպես պետք է գործարք կնքի: ԱՄՆ առաջնորդը հույս է հայտնել, որ խաղաղության կհասնեն մինչև իր երդմնակալությունը։

Թրամփն ընդգծել է, որ ամեն ինչ անում է ուկրաինական հակամարտությունը դադարեցնելու համար: Միևնույն ժամանակ, ըստ նրա՝ Կիևը ցանկություն է հայտնել հասնելու հակամարտության խաղաղ կարգավորման:

Թրամփի կարծիքով՝ Ուկրաինային չպետք է թույլ տային հեռահար հրթիռներով հարվածներ հասցնել Ռուսաստանի տարածքի խորքերը և այդ հարցը պետք է վերանայել։