2024-ին ածուխի պահանջարկն աշխարհում ռեկորդային ցուցանիշի Է հասել

Ըստ Միջազգային էներգետիկ գործակալության՝ Չինաստանը ածխի հիմնական սպառողն է։

Էներգետիկայի ոլորտում ածուխի համաշխարհային պահանջարկը 2024 թվականին հասել է բոլոր ժամանակների առավելագույն արժեքին։ Հիմնական սպառողներն են Չինաստանը և Հնդկաստանը։ Այս մասին ՏԱՍՍ-ի փոխանցմամբ ասվում է Միջազգային էներգետիկ գործակալության զեկույցում։

Ըստ գործակալության տվյալների՝ Չինաստանը ածուխի հիմնական սպառողն է։ Չնայած ատոմային էլեկտրակայանների, հողմային և արևային էլեկտրակայանների կառուցման հաշվին էներգետիկ ոլորտի դիվերսիֆիկացմանը, այդ երկրում էլեկտրաէներգիայի պահանջարկն աճում է։

Չինաստանում էլեկտրաէներգիայի պահանջարկի աճը պայմանավորված է երկու հիմնական գործոնով՝ նախկինում մատուցվող ծառայությունների էլեկտրիֆիկացում այլ վառելիքներից, ինչպիսիք են տրանսպորտը և արդյունաբերությունը, և զարգացող արդյունաբերությունները, ինչպիսիք են տվյալների կենտրոնները և արհեստական բանականությունը։ Այս մասին նշում են հետազոտողները:

Սպառման առումով երկրորդը մնում է Հնդկաստանը՝ 1,3 միլիարդ տոննա (+5%): Եվրամիությունում և ԱՄՆ-ում ածխի պահանջարկը շարունակում է կրճատվել 12%-ով և 5%-ով։ Այսինքն՝ համապատասխանաբար մինչև 312 մլն տոննա և 368 մլն տոննա: IEA-ի փորձագետների կարծիքով ածուխի համաշխարհային պահանջարկը մինչև 2027 թվականը կկազմի մոտ 8,87 միլիարդ տոննա։

Ակնկալվում է, որ 2025-ին ածուխի համաշխարհային արդյունահանումը նույնպես կհասնի իր պատմական առավելագույնին՝ առաջին անգամ գերազանցելով 9 միլիարդ տոննան: Խոշորագույն արտադրողները կլինեն Չինաստանը, Հնդկաստանը և Ինդոնեզիան: Նաև 2025-ին ռեկորդային կլինի ածուխի միջազգային առևտրի ծավալը, որը կհասնի 1,55 միլիարդ տոննայի։