ԱՄՆ-ում կարծիքները բաժանվել են Թրամփի՝ «միջուկային կոճակի» իրավունքի շուրջ․ The New York Times

ԱՄՆ-ում կարծիքները բաժանվել են նորընտիր նախագահ Դոնալդ Թրամփի՝ «միջուկային կոճակի» իրավունքի հարցի շուրջ: Այս մասին հայտնում է The New York Times պարբերականը։

«Մենք դեմոկրատներին ու հանրապետականներին հարցրինք, թե արդյո՞ք նրանք աջակցում են նախագահի միակողմանի լիազորություններին՝ կանխարգելիչ միջուկային հարված հասցնելու համար, և արդյո՞ք նրանք համաձայն են, որ նախագահը պետք է կարողանա պատասխանել մուտքային միջուկային հարվածին՝ առանց Կոնգրեսի հաստատման: Մենք նաև խնդրել ենք գնահատել, թե որքանով են նրանք իրենց հարմարավետ զգում Դոնալդ Թրամփի՝ ընտրված նախագահի հետ, որն ունի նման լիազորություններ»,-ասվում է նյութում։

Դեմոկրատներից շատերը հայտարարել են, որ պահանջում են, որպեսզի Կոնգրեսը հավանություն տա միջուկային զենքի կիրառմանը, իսկ մյուսները խոստովանել են, որ պատրաստ են աջակցել նախագահի որոշմանը՝ առանց հաստատման ընթացակարգի: Նմանատիպ գնահատականներ են հնչեցրել նաև Հանրապետական կուսակցության շատ ներկայացուցիչները, որոնք միջուկային հարված հասցնելու իրավունքը բացատրել են «արագ արձագանքման» անհրաժեշտությամբ։