Բաքվից Գրոզնի թռչող ինքնաթիռը կործանվել է Ղազախստանի Ակտաու քաղաքի օդանավակայանում

Azerbaijan Airlines ավիաընկերության ուղևորատար ինքնաթիռը, որը Բաքվից Գրոզնի էր թռչում, վթարի է ենթարկվել Ղազախստանի արևմուտքում գտնվող Ակտաու քաղաքի օդանավակայանում: Այս մասին հայտնում է Ղազախստանի արտակարգ իրավիճակների նախարարությունը:

«Բաքվից Գրոզնի թռչող ինքնաթիռն ընկել է Ակտաուի օդանավակայանում։ Ինքնաթիռի կործանման վայր են ժամանել Ղազախստանի արտակարգ իրավիճակների նախարարության անձնակազմի 52 մարդ և 11 միավոր տեխնիկա», – ասվում է հաղորդագրության մեջ:

Փրկարարները սկսել են հրդեհված օդանավի մարման աշխատանքները:

Նախնական տվյալներով՝ կան փրկվածներ, հավելել են Ղազախստանի ԱԻՆ-ում ։ Տուժածների մասին տեղեկությունները ճշտվում են։