Թրամփը ցանկանում է նվաճել Մարս մոլորակը

Ամերիկացի գործարար Իլոն Մասկը չի կարողացել զսպել իր ուրախությունը ԱՄՆ նախագահ Դոնալդ Թրամփի երդմնակալության արարողության ժամանակ վերջինիս՝ Մարսի նվաճման մասին խոսքերից հետո, համապատասխան տեսանյութը գործարարը տեղադրել է X սոցցանցում:

Պաշտոնը ստանձնած Սպիտակ տան ղեկավարը հայտարարել է հավակնոտ տիեզերական ծրագիր իրականացնելու մտադրության մասին, որը ներառում է ամերիկացի տիեզերագնացներին Մարս ուղարկելը:

«Ամերիկան մեկնում է Մարս»,- գրել է Մասկը՝ կցելով ելույթի ժամանակ Թրամփի խոսքերին իր արձագանքի տեսանյութը:

Նախագահն ընդգծել է, որ ԱՄՆ-ը կշարունակի ամրապնդել առաջատարի դիրքը տիեզերքի հետազոտման գործում՝ այն դիտարկելով որպես ազգային զարգացման և մեծության հասնելու կարևոր մաս: