Չի կարող ընդունվել մոտեցումը՝ «երբ Կայենը սպանեց Աբելին, քրեական իրավունք չկար, ուրեմն՝ սպանություն չէ». Ուֆաք Ուրաս
Նմանատիպ
«Ինչպես ասում է Դոն Կիխոտը. «Սխալմունքից ազատվել՝ չի նշանակում նվաստանալ»: Այսինքն՝ գթասիրտ լինելու համար պարտադիր չէ համակրել: Բայց Թուրքիայի ազգայնամոլները չեն հասկանում, որ Իթթիհատ Թերաքքիի հրոսակները մեր պապերը չեն, որ պատմությանը չի կարելի նայել ազգայնամոլության, քեմալիզմի պատմական գաղափարախոսության տեսանկյունից: Պետք է հասկանանք, որ մեր պատմության կամ 1915թ-ի հետ առերեսումը միաժամանակ ընդհանուր հայրենիքի, մեր ապագան կառուցելու խնդիրն է: Առանց անցյալի հետ առերեսվելու հնարավոր չէ կառուցել ապագան»,- Times.am–ի հետ զրույցում ասաց Թուրքիայից ժամանած Կանաչների և ձախերի ապագայի կուսակցության համահիմնադիր Ուֆուք Ուրասը, ով այս օրերին մասնակցում էր «Ընդդեմ ցեղասպանության հանցագործության» գլոբալ համաժողովին:
Այնուհետ հիշեց Կայենի և Աբելի աստվաշաշնչյան պատմությունը. «Կայենը սպանեց Աբելին, բայց այն ժամանակ քրեական իրավունք չկար, ուստի դա չի կարող համարվել սպանություն»: ժողովրդավար աշխարհը, գլոբալ հասարակության խիղճն այլևս այս տեսակ մոտեցումները չի կարող լուրջ ընդունել: Կասկած չկա, որ բոլորիս համար կողմնացույց պետք է հանդիսանա հասարակական հիշողությունը և խիղճը»:
Ըստ Ուֆաք Ուրասի՝ Թուրքիայի կառավարության կողմից անցյալ տարի արտահայտված ցավակցությունն առնվազն առաջին քայլն է այս ուղղությամբ, բայց պետք է իրավական և քաղաքական պայմաններ էլ ստեղծվեն, որպեսզի օսմանյան հայերի թոռները վերադառնան իրենց երկիրը:
«Հայաստանի հետ հարաբերությունները պետք է կարգավորվեն առանց նախապայմանների»,-շեշտեց նա:
Այս համատեսքտում թուրք գործիչը չանտեսեց Էրդողան-Պուտին հարաբերությունները. «Էրդողան-Պուտին մերձեցումը կարող է առիթ հանդիսանալ հարաբերությունների կարգավորման համար»:
Մարիամ ՊԵՏՐՈՍՅԱՆ
Հետևեք մեզ նաև Telegram-ում