Սիրով արված գործերը հզոր են. Ս.Սարգիսի զորավարի հիշատակության օրվա ավանդական Խաչերթը (ֆոտո)
Նմանատիպ
Սիրո բարեխոս Սուրբ Սարգիս զորավարի հիշատակության օրվա առիթով առաջնորդանիստ Ս. Սարգիս եկեղեցուց` Տ. Նավասարդ արքեպիսկոպոս Կճոյանի առաջնորդությամբ տեղի է ունեցել ավանդական խաչերթը, որի մասնակիցները Արարատյան հայրապետական թեմի առաջնորդական փոխանորդ գերաշնորհ Տեր Նավասարդ արքեպիսկոպոս Կճոյանի առաջնորդությամբ Մ. Մաշտոց և Մ. Բաղրամյան պողոտաներով շարժվեցին դեպի Պողոսյան այգիներ՝ Սիրահարների պուրակ, որտեղ սպասվում էր մեծ տոնախմբություն և համերգ:
Խաչերթին մասնակցեցին Պաշտպանության նախարարության տեղեկատվության և հասարակայնության հետ կապերի վարչության պետ, գեներալ-մայոր Վարդան Ավետիսյանը, զինվորներ, սպաներ, հոգևորականներ, Արարատյան հայրապետական թեմի Երիտասարդաց միությունների անդամներ: Կարգախոսը` «սիրո ուժն է անհաղթ»:
Տեր Նավասարդ արքեպիսկոպոս Կճոյանի դիտարկմամբ` սիրով արված գործերը հզոր են և անբեկանելի: Ավելին` սիրո զորեղությամբ արարվածն անառիկ է և անխոցելի:
Հետևեք մեզ նաև Telegram-ում