Տեխզննության կտրոնների լրացուցիչ խմբաքանակը տպագրվել և տրամադրվել է բանկերին
Նմանատիպ
ՀՀ ֆինանսների նախարարությունը հայտարարում է, որ տեխզննություն անցկացնելու գործընթացում, ըստ գործող կարգի, նախարարությունն իրականացնում է բացառապես տեխզննության կտրոնների տպագրման և դրանք ծրագրին մասնակից ՀՀ առևտրային բանկերին տրամադրելու աշխատանքները:
Ինչպես տեղեկացրին ՀՀ ֆինանսների նախարարության տեղեկատվության և հասարակայնության հետ կապերի վարչությունից, տեխզննության կտրոնների` ըստ տարիների տպագրման ենթակա քանակը որոշվում է պատկան մարմինների կողմից տրամադրվող առկա տեղեկատվության և գործող համակարգի շրջանակներում տարվա ընթացքում ձևավորվող փաստացի ցուցանիշների միտումների հիման վրա:
Տեխզննության կտրոնների փաստացի կարիքը ձևավորվում է առկա տրանսպորտային միջոցների վերաբերյալ տվյալների և տարվա ընթացքում դրանց ըստ քանակի ու թողարկման տարեթվերի փոփոխության արդյունքում, ինչը կարող է հանգեցնել կանխատեսված և փաստացի տեխզննության կտրոնների կարիքի ժամանակավոր շեղումների:
ՀՀ ֆինանսների նախարարությունը տեղեկացնում է, որ 2016 թվականի տարեվերջին, առկա տեղեկատվության վերլուծությամբ կանխատեսելով տեխզննության կտրոնների հնարավոր լրացուցիչ կարիքը, ապահովվել է կտրոնների լրացուցիչ խմբաքանակի տպագրությունը և բանկերին տրամադրումը:
Տեխզննությունը ճանապարհային երթևեկության անվտանգության ապահովմանն ուղղված գործընթաց է, որը կազմակերպվում է պետական կառավարման տարբեր մարմիններին վերապահված իրավասությունների շրջանակում կատարված գործողությունների արդյունքում:
Հետևեք մեզ նաև Telegram-ում