Ատամի մածուկի եւ ծամոնի մեջ մահացու բաղադրամաս են գտել
Նմանատիպ
Ֆրանսիացի եւ լյուքսեմբուրգցի գաստրոԷնտերոլոգները նախազգուշացրել են E171 (տիտանի երկօքսիդ) ներկանյութի վտանգի մասին, որը պարունակում են ատամի մածուկների մեծ մասը եւ ծամոնները: Ինչպես տեղեկացնում է «Արմենպրես»-ը, համապատասխան հետազոտությունը հրապարակվել է Scientific Reports հանդեսում, դրա մասին համառոտ հաղորդել է The Independent-ը:
Տիտանի երկօքսիդը, գիտնականների կարծիքով՝ կարող Է քաղցկեղածին լինել, այսինքն՝ քաղցկեղի զարգացում առաջացնել: Մասնագետներն իրենց եզրակացությանն են հանգել առնետների վրա կատարված գիտափորձերի ընթացքում: Այն կրծողների մոտ, որոնց 100 օրվա ընթացքում E171-ով ջուր են տվել մարդկանց կողմից գործածվող չափաբաժիններին համանման չափաբաժիններով, 40 տոկոսով ավելի հաճախ են զարգացել մարսողական համակարգի նախաքաղցկեղային հիվանդություններ:
E171 միացությունը տիտանի արդյունաբերության հիմնական արգասիքներից մեկն է: Սննդի մեջ այն, որպես կանոն, օգտագործվում Է որպես գունազերծիչ: Առավել հաճախ այն կարելի է հանդիպել քաղցրավենիքների մեջ, թխվածքաբլիթներում եւ ծամոնի մեջ, ինչպես նաեւ ատամի մածուկներում եւ արեւապաշտպան քսուքներում:
Հեղինակները ձեռնպահ են մնացել այն եզրակացություններից, թե սպառնալիքը տարածվում է արդյոք մարդկանց վրա, սակայն դա չեն բացառել: Այդ պատճառով Ֆրանսիայի իշխանությունները որոշում են կայացրել՝ անցկացնել ընդգրկուն հետազոտություն՝ նվիրված սննդի արդյունաբերության մեջ E171-ի օգտագործման անվտանգությանը եւ նպատակահարմարությանը:
Հետևեք մեզ նաև Telegram-ում