Ստամբուլում ավելի քան ութ հարյուր չվերթ է չեղյալ համարվել
27/01/2017 10:16
Նմանատիպ
Ստամբուլում եղանակային վատ պայմանների հետևանքով օդանավակայաններում շարունակվում են չեղյալ համարվել մի քանի հարյուրի հասնող չվերթներ: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
«Թուրքական ավիաուղիներ» ավիափոխադրող ընկերությունից հայտնել են, որ Աթաթուրքի օդանավակայանում չեղյալ է համարվել հունվարի 27-ի 719 չվերթ` 362 մեկնող և 357 ժամանող: Ստամբուլի մյուս` Սաբիհա Գյոքչեն օդանավակայանում չեղյալ է համարվել հունվարի 27-ին նախատեսված 133 չվերթ` 66 մեկնող և 67 ժամանող:
Ընդհանուր առմամբ` Ստամբուլի օդանավակայաններում չեղյալ է համարվել 852 չվերթ:
Հետևեք մեզ նաև Telegram-ում