Օրական 800 գրամ բանջարեղենը եւ մրգերը կերկարացնեն կյանքը. գիտնականներ

Գիտնականները կարծում են, որ օրական 10 չափաբաժին բանջարեղենի եւ մրգերի գործածումը կարող երկարացնել կյանքը: Լոնդոնի Imperial college-ի գիտնականների հաշվարկներով՝ այս հանձնարարություններին հետեւելը կարող է կանխել տարեկան 7,8 միլիոն վաղաժամ մահեր, տեղեկացնում է «Արմենպրես»-ը՝ հղում անելով BBC-ին:

Մեկ չափաբաժինն 80 գրամ է: Մոտավորապես այդքան է կշռում ոչ մեծ բանանը, տանձը կամ երեք լիքը թեյի գդալ սպանախը կամ սիսեռը: Նույնիսկ ոչ մեծ քանակությամբ մրգերը եւ բանջարեղենն օգտակար են առողջության համար: Բայց մարդը որքան շատ օգտագործիի դրանք, այնքան լավ: Օրական 200 գրամ բանջարեղենը եւ մրգերը նվազեցնում են սիրտ-անոթային հիվանդություններից մահվան վտանգը՝ 13 տոկոսով, քաղցկեղի զարգացման վտանգը՝ 4 տոկոսով, վաղաժամ մահվան վտանգը՝ 15 տոկոսով: 800 գրամ բանջարեղենը եւ մրգերը նվազեցնում են սիրտ-անոթային հիվանդություններից մահվան վտանգը՝ 28 տոկոսով, քաղցկեղի զարգացման վտանգը՝ 13 տոկոսով, վաղաժամ մահվան վտանգը՝ 31 տոկոսով: Փորձագետներն այս եզրակացություններին են հանգել 95 տարբեր հետազոտությունների հիման վրա, որոնց ընթացքում ուսումնասիրվել են 22 միլիոն մարդու սնվելու սովորությունները: Եզրակացությունները հրապարակված են International Journal of Epidemiology հանդեսում: