Երեւանի թիվ 1 հիվանդանոցային համալիրում ստեղծվելու է զինհաշմանդամների վերականգնողական կենտրոն
Նմանատիպ
Մխիթար Հերացու անվան Երևանի պետական բժշկական համալսարանի թիվ 1 հիվանդանոցային համալիրում ստեղծվելու է զինհաշմանդամների վերականգնողական կենտրոն: Այս մասին համալիր կատարած այցի շրջանակում լրագրողների հետ զրույցում ասաց ՀՀ պաշտպանության նախարար Վիգեն Սարգսյանը:
«Դա համալսարանի ռեկտորի գաղափարն ու առաջարկն է, որ այստեղ ստեղծվի այդ կենտրոնը: Արդեն իսկ որոշ հնարավորություններ համալսարանի ուժերով ստեղծվել են, մենք էլ բանակի աջակցութամբ կշարունակենք օգնել, որպեսզի դա լինի արդիական եւ բոլոր հնարավորություններ ունեցող հաստատություն մեր տղաների համար»,-նշեց նա:
Անդրադառնալով զինհաշմանդամների հետ աշխատող մասնագետներին՝ նա նշեց, որ նրանց ամենօրյա աշխատանքի շնորհիվ արդյունքն արդեն իսկ տեսանելի է:
«Տղաները պատրաստ են շարունակելու պայքարը վերականգնվելու համար հիմա արդեն քաղաքացիական կյանքում, եւ շատ ոգեւորող է, որ մեր բուժհասարակությունը նվիրումով է այդ գործին միացել: Զինհաշմանդամների համար պետությունը ստեղծել է բազմաթիվ հնարավորություններ եւ ծրագրեր: Նրանց համար առողջապահությունը անվճար է, իսկ այն մասում, որը չի ծածկվում պետպատվերի շրջանակում, մենք գտնում ենք վերականգնման համար անհրաժեշտ միջոցներ»,-ասաց նախարարը՝ ընդգծելով, որ շարունակելու են աջակցել զինվորներին անհրաժեշտության դեպքում արտերկրում բ ուժում ստանալու համար:
Հետևեք մեզ նաև Telegram-ում