«Հայկական ժամանակ. Կարեն Բոթոյանն ընտրակաշառքի յուրօրինակ տարբերակ է գտել

«Հայկական ժամանակ»-ի տեղեկություններով՝ ԱԺ պատգամավոր Կարեն Բոթոյանն ընտրակաշառքի յուրօրինակ տարբերակ է գտել։ Նա տեղի երիտասարդներին 5000-ական դրամներ է բաժանում Good Win ապարատներով խաղալու համար։ Այսպիսով Բոթոյանը փորձում է շահագրգռել երիտասարդներին, որ ապրիլյան ընտրություններին իրենց ձայն տան։

Թերթի հետ զրույցում վերջինս հերքել է այդ լուրը։ Թերթը նշում է, որ Կարեն Բոթոյանը խորհրդարանական ընտրություններում Գեղարքունիքի մարզում առաջադրվել է Հանրապետակայն ռեյտինգային ցուցակով։ Թերթը հիշեցնում է, որ վերջինս Սևանի տարածաշրջանն ընդգրկող թիվ 23 ընտրատարածքից մեծամասնական ընտրակարգով էր պատգամավոր դարձել, բայց այդ անգամ՝ ՕԵԿ ցուցակով։ 2014թ, երբ ՕԵԿ-ը չմիացավ Հովիկ Աբրահամյանի գլխավորած կառավարությանը, Կարեն Բոթոյանը դուրս եկավ այդ կուսակցությունից

Թերթը նաև հիշեցնում է, որ Բոթոյանը շինանյութերի ներկրման բիզնեսով զբաղվող «Եվրոպա» ընկերության սեփականատեր Սերգեյ Մանուկյանի՝ Շինանյութերի Սերգեյի փեսան է։