«Հայկական ժամանակ». Սերժ Թանկյանը ժամանել է Հայաստան

«Հայկական ժամանակ»-ի տեղեկացմամբ՝ երեկ երեկոյան Հայաստան է ժամանել աշխարհահռչակ «System of a Down» խմբի երգիչ, երգահան Սերժ Թանկյանը և ամերիկահայ հայտնի կինոռեժիսոր Էրիկ Նազարյանը։

Վերջիններս հայտարարել էին, որ ապրիլի 2-ին ՀՀ-ում կայանալիք խորհրդարանական ընտրություններին կատարելու են դիտորդական առաքելություն։ Մինչ այս Հայաստան էր ժամանել նաև կանադահայ հայտնի դերասանուհի Արսինե Խանջյանը։ Սպասվում է, որ նույն նպատակով այլ հայտնի հայեր ևս Հայաստան կժամանեն։