Դատական համակարգում խնդիրները չի կարելի գնահատել զուտ կոռուպցիոն տեսանկյունից. Դավիթ Հարությունյան
Նմանատիպ
Դատական համակարգում խնդիրները բազմաթիվ են, դրանք չի կարելի գնահատել պարզունակ, միայն զուտ կոռուպցիոն տեսանկյունից: Այդ մասին կառավարության նիստից հետո լրագրողների հետ զրույցում ասաց ՀՀ արդարադատության նախարար Դավիթ Հարությունյանը՝ անդրադառնալով կոռուպցիոն դրսևորումների համար վերջին շրջանում դատավորների և դատախազների ձերբակալությունների դեպքերին: Նրա խոսքով, կոռուպցիայի դեմ պայքարը թե դատական համակարգում, թե այլ ոլորտներում, շարունակվում է, սակայն, պայքարն այնպիսին պետք է լինի, որ կոռուպցիայի հիմքեր չլինեն, իսկ եղած դեպքերն էլ բացահայտվեն ու մեղավորները պատժվեն:
«Քայլերը որ ձեռնարկվում են՝ սկսած ապօրինի հարստացումից, վերջացրած վերջերս ներկայացված փոփոխություններով, կանխարգելիչ գործողություններ են: Դատական համակարգում խնդիրները բազմաթիվ են, դրանք չի կարելի միայն պարզունակ, զուտ կոռուպցիոն տեսանկյունից գնահատել՝ արհեստավարժության, ժամանակատարության, դատական պրոցեսի մատչելիության, իրավական օգնության հետ կապված բազմաթիվ խնդիրներ ունենք, որոնց պետք է լուծում տալ»,– ասաց Արդարադատության նախարարը:
Հետևեք մեզ նաև Telegram-ում