Էրդողանը թերթերին կարգադրել է չգրել «արդարության երթ»-ի մասին. թուրք պատգամավոր
Նմանատիպ
Թուրքիայի նախագահ Ռեջեփ Թայիփ Էրդողանն արգելել է երկրի խոշորագույն լրատվամիջոցներին լուսաբանել ընդդիմադիր Հանրապետական ժողովրդական կուսակցության առաջնորդ Քեմալ Քըլըչդարօղլուի նախաձեռնած «արդարության երթ»-ը: Ինչպես հաղորդում է «Արմենպրես»-ը՝ վկայակոչելով թուրքական Dıken-ը, այս մասին հայտարարել է ընդդիմադիր կուսակցության պատգամավոր Այքութ Էրդողդուն:
Նա թվիթերյան իր միկրոբլոգում հայտնել է, որ Էրդողանը կարգադրել է բոլոր թերթերի ղեկավարներին ու մասնավորապես Թուրքիայում խոշորագույն՝ «Այդըն» հոլդինգին «չգրել «արդարության երթի» մասին»: «Նա «արդարության երթ»-ի մասին գրելն ահաբեկչություն է կարծում, քանի որ վախենում է: Անատոլիայի ճանապարհներից բարձրացող արդարության ճիչը ցնցում է նախագահական պալատը»,- նշել է Էրդողդուն:
Ավելի վաղ Թուրքիայի նախագահ Էրդողանը ելույթ էր ունեցել, որում «արդարության երթ»-ի բոլոր մասնակցողներին հավասարեցրել էր հեղաշրջման փորձը նախաձեռնողների հետ:
Հետևեք մեզ նաև Telegram-ում