Երևանի կենտրոնում տեղի ունեցած սպանության դեպքի առթիվ քրեական գործ է հարուցվել

Երևանի կենտրոնում՝ Վերնիսաժի մոտակայքում սեպտեմբերի 14-ին տեղի ունեցած սպանության դեպքի առթիվ քրեական գործ է հարուցվել երեք դրվագներով՝ ՀՀ քրեական օրենսգրքի 104-րդ հոդվածի 2-րդ մասի 6-րդ կետով, 34-104-րդ հոդվածի 2-րդ մասի 1-ին կետով եւ 235-րդ հոդվածի 1-ին մասով։ Այս մասին տեղեկացրեց ՀՀ քննչական կոմիտեի նախագահի խորհրդական Սոնա Տռուզյանը:

«Քրեական գործով նախաքննությունը հանձնարարվել է ՀՀ ՔԿ ՀԿԳ քննության գլխավոր վարչությանը։ Ստեղծվել է քննչական խումբ»,- նշեց Տռուզյանը:

Վերնիսաժի մոտ հնչած կրակոցների հետեւանքով, նախնական տվյալներով, սպանվել էր մեկ անձ, եւս մեկը՝ վիրավորվել, որոնց ինքնությունը պարզվել է։ Ստացած հրազենային վնասվածքներից մահացել է 1974 թվականի ծնված Գ.Մոսինյանը, վնասվածքներով բժշկական կենտրոն տեղափոխվել Վ.Աբգարյանը:

Դեպքի վայրի զննությամբ հայտնաբերվել էր AK-74 տեսակի մեկ ինքնաձիգ, մեկ ատրճանակ եւ պարկուճներ։

Ստեղծվել է քննչական խումբ եւ իրականացվում են ակտիվ քննչական, օպերատիվ-հետախուզական միջոցառումներ՝ դեպքի բոլոր հանգամանքները պարզելու ուղղությամբ: