Հանոյում ՀՀ անկախության 26-ամյակին նվիրված ընդունելություն է կազմակերպվել
Նմանատիպ
Վիետնամում ՀՀ դեսպանության և Հայաստան-Վիետնամ բարեկամության խմբի կողմից Հանոյի Բարեկամության պալատում կազմակերպվել է ընդունելություն՝ նվիրված Հայաստանի Հանրապետության անկախության 26-ամյակին և Հայաստանի ու Վիետնամի միջև դիվանագիտական հարաբերությունների հաստատման 25-ամյակին:
Ինչպես տեղեկացրին ՀՀ ԱԳՆ մամուլի, տեղեկատվության և հասարակայնության հետ կապերի վարչությունից, միջոցառմանը մասնկացում էին Վիետնամի կառավարության ներկայացուցիչներ, դիվանագետներ, Հայաստանում ուսում անցած վիետնամցի ուսանողներ, լրատվամիջողների ներկայացուցիչներ:
Ներկաներին ուղղված իր ելույթում Վիետնամում ՀՀ դեսպան Ռաիսա Վարդանյանը ներկայացրեց անկախության 26 տարիների ընթացքում Հայաստանի անցած ուղին, ինչպես նաև հայ-վիետնամական հարաբերություններն ու երկու երկրների համագործակցության վերջին ձեռքբերումները: Դեսպան Վարդանյանը նաև բարձր գնահատեց Հայաստան-Վիետնամ բարեկամության խմբի անդամների ջանքերը` ուղղված երկու երկրների միջև բոլոր ոլորտներում կապերի խորացմանն ու սերտացմանը:
Հայաստանի մասին զեկույցներով հանդես եկան Հայաստան-Վիետնամ բարեկամության խմբի նախագահ Նգույեն Վան Տուանը, ինչպես նաև Հայաստան-Վիետնամ բարեկամության խմբի անդամները:
Միջոցառումն ավարտվեց համերգային ծրագրով, որի ընթացքում կատարվեցին հայկական և վիետնամական ժողովրդական երգեր:
Հետևեք մեզ նաև Telegram-ում