Հայ հոգեւոր երաժշտության հնդկահայոց երգվածքին նվիրված գիրքն ուղեցույց կլինի մասնագետների և երաժշտասերների համար
Նմանատիպ
Կոմիտասի թանգարան-ինստիտուտում կայացավ Գայանե Ամիրաղյանի «Ութձայն համակարգը հայ հոգեւոր երգարվեստի Նոր Ջուղայի կամ հնդկահայոց երգվածքում» գրքի շնորհանդեսը: «Արմենպրես»-ի հետ զրույցում գրքի հեղինակն ասաց, որ գրքի հիմքում դիսերտացիոն աշխատանքն է: «Սկսեցի զբաղվել այս թեմայով, գնալով ավելի ոգեւորված աշխատեցի, բացահայտումներ եղան, եւ այն դարձավ գիրք»,-ասաց նա:
Ամիրաղյանի խոսքով՝ գիրքը նախատեսված է մասնագետների նեղ շրջանակի համար: «Այն տեսական վերլուծություն է, բայց երաժշտությամբ հետաքրքրվողներին միգուցե պետք գա: Առաջին գլուխը պատմական ակնարկ է, եւ ինչ-որ չափով ոչ պրոֆեսիոնալներին տեղեկություն կարող է տալ»,-ասաց նա՝ հավելելով, որ աշխատությունը պատրաստելու համար մոտ 4 տարվա աշխատանք է պահանջվել:
Գիրքը հրատարակված է ՀՀ Նախագահ Սերժ Սարգսյանի հովանու ներքո՝ Երիտասարդ գիտնականների աջակցության ծրագրի շրջանակներում, Հայաստանի երիտասարդական հիմնադրամի ֆինանսավորմամբ:
Հետևեք մեզ նաև Telegram-ում