AM | RU
USD
EUR
RUB

Ընտանեկան բռնության դեմ օրինագծի կողմնակիցների վարքագծում նշմարվում են բռնության էլեմենտներ

 

Ընտանեկան բռնության կանխարգելմանն ուղղված օրենքի նախագիծը շարունակում է մնալ բուռն քննարկման կիզակետում, բայց ամենատարօրինակն այն է, որ այդ նախագծի կողմնակիցների վարքագծում նշմարվում են բռնության էլեմենտներ, անհարկի ագրեսիա՝ ուղղված բոլոր այն անձանց դեմ, ովքեր դեմ են արտահայտվում այդ օրինագծին:

Այստեղ առաջանում է նոնսենս. առաջին հայացքից թվում է, որ օրինագծի կողմնակիցները, հեղինակները պետք է հենց իրենք դեմ լինեին ցանկացած բռնության, լինի ընտանեկան թե խոսքի ազատության, բայց դա միայն թվում է, որովհետև տպավորություն է ստեղծվում, որ այդ օրենքը պետք է ամեն գնով անցնի, ընդհուպ բռնության միջոցով:

Ցանկացած ոք, ով ընդդիմանում է այդ օրենքի նախագծին ու փորձում է հիմնավորել իր մոտեցումները, անմիջապես արժանանում է հակազդեցության, բայց արդեն ոչ թե փաստարկների տեսքով, այլ մեղադրանքների ու վիրավորանքների: Եթե դրանք են օրենքի անհրաժեշտության հիմնավորումները, ապա որքան էլ այդ օրենքները հեղինակների պատկերացմամբ միտված լինել խնդիրների լուծմանը, ապա այուամենայնիվ այն պետք է մերժել, որովհետև չի կարելի մի բան փաթաթել հանրության վզին, այդ նույն հանրությանը ճնշելով:

Բոլոր նրանք, ովքեր իրենց կարծիքն են արտահայտում ու փորձում են գտնել օրինագծում առկա վտանգավոր դրույթները, թեկուզ սուբյեկտիվ ու թեկուզ ոչ իրավացի, անմիջապես այդ օրենքի կողմնակիցների կողմից հռչակվում են ռուսական պրոպագանդայի քարոզիչներ, ռուսական լրտեսներ և ռուսական դեսպանատնից ֆինանսավորվողներ: Բայց ինչպես ասում են, մեդալն ունենում է իր երկրորդ երեսը: Եթե ընդդիմախոսները ռուսական լրտեսներ են, ապա լրտեսներ կարող են համարվել նաև այդ օրինագծի կողմնակիցները, բայց արդեն ոչ ռուսական:

Նման մեթոդներով շարժվելու դեպքում, նրանք ստանում են բոլոր «իրավունքները», որպեսզի իրենց համարեն արևմտյան լրտեսներ, արևմտյան քարոզչության իրականացնողներ և արևմտյան դեսպանատներից սնվողներ: Կարծում եմ դժվար մարդը իրեն շոյված զգա, որ իրեն համարում են ոչ թե ռուսական, այլ արևմտյան լրտեսներ: Երկու դեպքում էլ ծառայում է օտար շահերի: Դժվար մարդն իրեն լավ զգա, որ ռուսական փողերի փոխարեն, իր գոյատևման միջոցները հայթայթում է արևմտյան աղբյուրներից: երկու պարագայում էլ վճարողն է պատվիրում երաժշտությունը ու այդ երաժշտությունը միշտ պետք է լինի պատվիրատուի ճաշակով:

Հաջորդ մեղադրանքն այն է, որ ովքեր դեմ են բռնության դեմ օրենքի նախագծին, ուրեմն կողմ են բռնությանը: Սա այն աստիճանի զավեշտ է ու այն աստիճանի ծիծաղելի, որն նույնիսկ այս մեղադրանքին հակադարձելն է դժվար: Նախ, ով կողմ է բռնության, նա թքած կունենա ձեր ցանկացած օրենքի վրա ու կբռնանա ոչ միայն իր ընտանիքում, այլ հենց ձեր անձի նկատմամբ ու մինչ դուք կվազեք ոստիկանություն, նախ կհայտնվեք ձեր «երազած» կերպարի՝ այն է զոհի դերում: Բացի այդ այս մեղադրանքը նույնպես նման է երկսայր սրի: Եթե ձեր տրամաբանությամբ ով դեմ է այս օրինագծին, ուրեմն կողմ է բռնությանը, ապա հակառակ կողմն էլ ձեզ պես անտեսելով մարդու իրավունքները, հանգիստ կարող է ասել, եթե դուք կողմ եք համասեռամոլ ընտանիքների գոյությանը, ուրեմն ինքներդ համասեռամոլ եք:

Հաջորդ «հիմնավորումը», արդեն ոչ թե մեղադրանք է, այլ ուղղակիորեն վիրավորանք: Եթե ռուսական լրտես չես ու բռնությանն էլ դեմ ես, սակայն միաժամանակ դեմ ես նաև օրենքի այս նախագծին, ուրեմն հոգեկան հիվանդ ես: Սակայն հասարակության ճնշող մեծամասնությունը դեմ լինելով բռնությանը, դեմ է կոնկրետ այս օրենքի նախագծին, քանի որ իրեն հարգող ոչ մի հայ տղամարդ կամ հայ կին, չի ցանկանում որպեսզի իր ընտանեկան հարաբերությունները կանոնակարգվեն ձեր պարտադրած օրենքով: Շատ դեպքերում ազգային ավանդույթները, ազգային մշակույթը, ազգային արժեքները ավելի զորեղ են, քան ցանկացած օրենք, իսկ կոնկրետ հայ մարդու համար իր ընտանիքը բացարձակ արժեք է:

Ի դեպ դեռևս օրենսդիր Սոլոնն էր ասում, որ միայն այն օրենքներն են ապրում, որոնց հիմքում տվյալ ժողովրդի սովորույթներն են, ադաթներն ու ավանդույթները: Բայց եթե ամեն դեպքում դուք մեծամասնությանը համարում եք թերզարգացած, տգետ ու հոգեկան հիվանդ և միայն դուք եք ուսյալը, առողջն ու գրագետը, ապա նմանվում եք հայտնի անեկդոտի երեք հերոսներին.

Հոգեբուժարանում երեք հոգի նստած են լինում ու հանկարծ մեկը հայտարարում է, որ ինքը Նապոլեոնն է: Երկրորդի հարցին, թե ո՞վ է քեզ նման բան ասել, պատասխանում է՝ Աստված: Երրորդը շատ հանգիստ շուռ է գալիս, թե բա ես իրեն նման բան չեմ ասել:

Արմեն ՄԱՐՏՈՒՆԻ

Լրահոս
Տնտեսի կիրակին՝ վաղը Սիրիայի դեմոկրտական ուժերը հայտարարել են ԻՊ-ի դեմ վերջնական հաղթանակի մասին Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար Վարդենյաց լեռնանցքը ծանրաքաշ և կցորդիչով մեքենաների համար փակ է Դավիթ Տոնոյանը հանդիպել է Ադրբեջանում ազատազրկման դատապարտված Կարեն Ղազարյանի հոր հետ ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են «Իրականությունից անտեղյակ «խորհրդատուների» հորինվածքներին պետք է վերաբերվել համբերատարությամբ». Լևոն Մնացականյան Չինաստանի քիմիական գործարանում պայթյունի հետևանքով վնասվել է 2800 բնակելի տուն Ռոբերտ Քոչարյանը 5-րդ գանգատն է ներկայացրել ՄԻԵԴ «Պայքարելու ենք, որ մեր երեխաները հետ գան իրենց զորամաս» Գլեդիս Բերեջիկլյանը հաղթել է Նոր Հարավային Ուելսի ընտրություններում և դարձել նահանգի առաջին ընտրված կին վարչապետը Արցախի երիտասարդները Եռաբլուրում շաբաթօրյակ և ծառատունկ իրականացրին (Տեսանյութ) Արցախում խորհրդակցություն է անցկացվել կուտակային կենսաթոշակային համակարգի ներդրման մասին Հայկական դիրքերի ուղղությամբ արձակվել է ավելի քան 1900 կրակոց Մակրոնը՝ «դեղին բաճկոնների» դեմ զորք դուրս բերելու մասին Այսօրվանից Աստանան պաշտոնապես վերանվանվել է Նուր-Սուլթան ՀՀ ԶՈՒ և ԶՈՒ ԳՇ ղեկավար կազմի հետ անցկացվել է խորհրդակցություն Դավիթ Տոնոյանն ու Անջեյ Կասպրշիկը քննարկել են արցախա-ադրբեջանական ուժերի առաջնագծում տիրող իրավիճակը Հանրապետությունում առաջիկա օրերին կլինեն տեղումներ, օդի ջերմաստիճանը կնվազի Չինաստանի քիմիական գործարանում պայթյունի հետևանքով վնասվել է 2800 բնակելի տուն «Հրապարակ». «Ցելով ուզում են ինձ ոչնչացնել» «Ժամանակ». ՊԵԿ շարքային աշխատողների համար այլևս պարգևատրումներ չեն լինի, պարզվում է ավտոբուսների մեջ խոսելն է պատճառը «Ժամանակ». Ինչ նպատակով է Հակոբ Արշակյանը վետո դրել գործարարի ներդրումային ծրագրի վրա «Փաստ». Միլիոններ՝ ընդամենը մի քանի ամսվա ճանապարհի շինարարության համար «Հրապարակ». Ալեն Սիմոնյանը չի հիասթափվել «Փաստ». Լարված են Ռուբեն Ռուբինյանի և Արման Եղոյանի հարաբերությունները «Հրապարակ». Փորձառուները հեռացան՝ տեղը զիջելով երիտասարդին «Ժողովուրդ». Ինչու են դանդաղել հարկային հավաքագրման տեմպերը ՕՐՎԱ ԽՈՐՀՈՒՐԴԸ: Մարտի 23 Արցախում մտադիր են փոխել ընտրական օրենսգիրքը Yeni Şafak. Թուրք մասնագետները կմեկնեն Ադրբեջան՝ S-300-ներն ուսումնասիրելու համար Սուրեն Քրմոյանը և Արթուր Հովհաննիսյանն ազատվել են արդարադատության նախարարի տեղակալի պաշտոններից Նիկոլ Փաշինյանը և Անջեյ Կասպրչիկը քննարկել են ԼՂ հակամարտության կարգավորման բանակցային գործընթացին առնչվող հարցեր Արցախի ԱԳՆ-ն ողջունում է Կանադայում Արցախի հետ խորհրդարանական բարեկամության խմբի ստեղծումը Նիկոլ Փաշինյանն ընդունել է ԱՄՆ դեսպան Լին Թրեյսիին Թերեզա Մեյին Բրյուսելում հարկ Է եղել ընթրել ԵՄ-ի մյուս ղեկավարներից առանձին. The Daily Mail Էրդողանին խիստ վրդովվեցրել է Թրամփի գրառումը Պետական եկամուտների կոմիտեն փոխում է հարկ վճարողների գույքի արգելադրման վարչարարությունը ԱԺ աշխատակազմը պարզաբանել է մաքրուհիների հետ կապված խնդիրը Լոռու մարզում 15-ամյա տղան լուսանկարվելիս մոտ 150 մետր բարձրությունից ընկել է անդունդը
Խմբագրի ընտրություն
Ամենաընթերցված
website by Sargssyan