AM | RU
USD
EUR
RUB

Մարտունիում և Հադրութում Արցախյան շարժման 30-ամյակին նվիրված երթեր են անցկացվել

 
 

Մարտունի և Հադրութ քաղաքներում փետրվարի 12-ին Արցախյան շարժման 30-ամյակին նվիրված խորհրդանշական երթեր են տեղի ունեցել:

Ինչպես հաղորդում է «Արմենպրես»-ը, Մարտունիում երթին հաջորդել է հանրահավաք, որի ընթացքում շարժման ակտիվիստները հանդես են եկել ելույթներով: Միջոցառմանը ներկա ԱՀ Ազգային ժողովի նախագահ Աշոտ Ղուլյանն իր խոսքում կարևորել է Արցախյան շարժման դերակատարությունը հայ ժողովրդի հերոսական պատմության համատեքստում:

Շարժման ակտիվիստ Սլավիկ Հայրապետյանն էլ մեզ հետ զրույցում ասել է, որ 30 տարի առաջ փետրվարի 12-ը հանրահավաքի առաջին օրը չէր, սակայն իր մասշտաբայնությամբ առաջինն էր, որին մասնակցում էին շրջանի գրեթե բոլոր բնակիչները:

«Այսօր էլ ոգին և պահանջները նույնն են մնացել: Ցույցը մեկնարկեցինք քաղաքի հրապարակից, ինչպես 30 տարի առաջ: 1988-ին, երբ նայում էինք բռունցք դարձած ժողովրդին, համոզված էինք, որ մեր իղձերն իրականանալու են, քանի որ շարժումը մասսայական բնույթ էր կրում, և հազարավոր մարդիկ, դուրս գալով հրապարակ, ունեին նույն պահանջը: Ես հավատում էի, որ մենք կհասնենք մեր նպատակին, որն այսօր իրականություն է դարձել»,- նշել է Ս. Հայրապետյանը:

Միջոցառմանը ներկա էին ԱԺ պատգամավորներ, պաշտոնատար այլ անձինք:Օրվա առթիվ տեղի ունեցել նաև տոնական համերգ:

Երթ է տեղի ունեցել նաև Հադրութ քաղաքում, որը մեկնարկել է նախկին շրջկոմի շենքի բակից, որից հետո մասնակիցները զոհված ազատամարտիկների հուշարձանին դրել են ծաղիկներ, այնուհետև քայլերթով մեկնել մշակույթի տուն՝ մասնակցելու ցուցահանդեսի, որին ներկայացվել են լուսանկարներ և տարբեր տարիների հրատարակված Արցախյան շարժմանը նվիրված գրքեր: Ելույթներով հանդես են եկել 1988-ի հանրահավաքի կազմակերպիչներ Մաքսիմ Միրզոյանը, Գոհար Մկրտչյանը, Վաչագան Զաքարյանը և Գագիկ Ավանեսյանը: Վերջինս էլ իր խոսքում նշել է, որ այսօր էլ երթը մեկնարկել և տեղի է ունեցել այն նույն ժամանակագրությամբ, ինչ 1988-ին:

 «1985 թվականին Մ.Գորբաչովի կողմից «Պերեստրոյկա և գլասնոստ» հռչակելուց հետո, հույս ունեինք, որ մեր հիմնահարցը կլուծվի: Նոյեմբերին, Հադրութ քաղաքի բնակիչ Էմիլ Աբրահամյանի նախաձեռնությամբ, կազմակերպեցինք ստորագրահավաք՝ հայկական հեռուստատեսության հեռարձակման վերաբերյալ: Այդ ժամանակ Հադրութում գործում էր 2 հեռուստաալիք, կենտրոնական (ռուսական) և ադրբեջանական: Դրա համար շատ ֆինանսական միջոցներ պետք չէին, ընդամենը «Խուռհատ» տեղամասում, որտեղ տեղադրված էր հեռարձակման կայան՝ իր աշտարակով, անհրաժեշտ էր տեղադրել ևս մեկ հեռարձակման սարք: Ստորագրությունները հավաքում էինք ես և Բելլա ու Էռնա Հարությունյանները: Մեզ հաջողվեց հավաքել այդ ժամանակահատվածի համար աննախադեպ քանակի՝ 270–ից ավելի ստորագրություններ: Ստորագրություններով նամակը Մոսկվա՝ Գորբաչովին ուղարկելուց և նույն նամակը պարզելու համար հետ ստանալուց հետո, մեր շրջկոմի կողմից սկսվեցին ճնշումներ՝ ինչպես ստորագրողների հանդեպ, այնպես և մեր՝ ստորագրահավաք կազմակերպողներիս: Այդ մթնոլորտում, չնայած ճնշումներին, շարունակեցինք նամակներ ուղղել միութենական տարբեր ատյաններ»,- ասել է Գ. Ավանեսյանը և ավելացրել, որ դրանք հետագայում վերածվեցին իրենց մեջ ագային ուժ պարունակող հանրահավաքների:

Օրվա առթիվ երթին մասնակից շարժման մի շարք ակտիվիստներ Հադրութի շրջվարչակազմի ղեկավար Իվան Ավանեսյանի որոշմամբ պարգևատրվել են պատվոգրերով և արժեքավոր նվերներով, որին հաջորդել է տոնական հյուրասիրություն:

Երկու քաղաքներում էլ երթի մասնակիցները պարզել են խորհրդանշական պաստառներ, որոնց վրա գրած կարգախոսներով իրենց բողոքն էին արտահայտում երեսուն տարի առաջ:

Լրահոս
Նիկոլ Փաշինյանը Դավոսում հանդիպումներ է ունեցել Շվեյցարիայի, Ռուանդայի, Ուկրաինայի նախագահների հետ Կառավարությունը խրախուսում է հերթական ներդրումային ծրագիրը թեթև արդյունաբերության ոլորտում Դեսպան Տիգրան Մկրտչյանը հանդիպել է Լատվիայի ԱԳՆ քաղաքական տնօրենի հետ Նիկոլ Փաշինյանը և Մարկ Ռուտեն քննարկել են Հայաստանի և Նիդեռլանդների միջև տնտեսական կապերի զարգացման հեռանկարները Միքայել Մելքումյանը՝ ԵԽԽՎ-ում. Գործատուները պետք է քվոտաներով աշխատանքի տեղավորեն հաշմանդամներին Տնտեսական ապրանքների վրա դրվող դրոշմապիտակները կդառնան ավելի փափուկ ու անվտանգ Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար ՀՀ տարածքում կան դժվարանցանելի և փակ ավտոճանապարհներ, որոշ տեղերում տեղ- տեղ առկա է մերկասառույց «Ժամանակ». Բունտ է հասունանում «Հրապարակ». Պարգևավճարները ժամանակին բաց տեղեկատվություն են եղել «168 Ժամ». Հունիսին Փաշինյանն ու Ալիևը համաձայնագիր են ստորագրելու «Ժամանակ». Հայաստանում կսկսվի՞ «դեղին բաճկոնավորների» շարժում «Հրապարակ». «Նակոլկա Շուշոյից» շարունակ դժգոհում են «Ժողովուրդ». Արամ Հարությունյանի նկատմամբ մեկ այլ դրվագով էլ է քրգործ հարուցված եղել «Հրապարակ». Արագածոտնի մարզպետը հորդորել է, որ պարգևատրումների հրամանը չտեղադրվի մարզպետարանի կայքում «Փաստ». Գոտիականությունը փոխել են, որ լիցենզիայի գումարները քիչ վճարեն ՕՐՎԱ ԽՈՐՀՈՒՐԴԸ: Հունվարի 24 «Ոչ պաշտոնական դիվանագիտություն». Փաշինյան-Ալիև դավոսյան հանդիպման հետքերով… Վլադ Ասատրյանն ընտրվել է Ճարտարապետության և շինարարության Հայաստանի ազգային համալսարանի հոգաբարձունների խորհրդի նախագահ Աշոցքի ավտոճանապարհներին թույլ ձյուն է տեղում Փաշինյանն ու Բոլթոնը քննարկել են երկկողմ հարաբերություններն ու իրավիճակը տարածաշրջանում ԵՄ դեսպանի հետ հանդիպմանն Արարատ Միրզոյանը կարևորել է ՀՀ քաղաքացիների համար ԵՄ վիզաների դյուրացման երկխոսության մեկնարկը Ստեփանակերտը ողջունում է Փաշինյան-Ալիև հանդիպումները՝ բանակցային գործընթացի շարունակման առումով Արմեն Աշոտյան. «Փաշինյանը խուսափեց հիմնական հարցերից և խորացրեց առկա անհանգստությունը Ղարաբաղյան հակամարտության կարգավորման ներկայիս փուլի շուրջ» Ֆինլանդիայի նախագահ․ ԼՂ հարցի լուծման համար ավելի շատ օպտիմիզմ կա Կոտայքի մարզում կհիմնվի վերելակների արտադրություն և կմեկնարկեն ներմարզային երթուղային ցանցը հիմնովին բարելավելու աշխատանքներ Փաշինյանը մանրամասներ է ներկայացրել Ալիևի հետ հանդիպումից Դավոսում Նիկոլ Փաշինյանի հետ հանդիպմանը մի խումբ գործարարներ Հայաստանում նոր ներդրումներ կատարելու ցանկություն են հայտնել Արցախա-ադրբեջանական սահմանին հրադադարի խախտումների քանակը կտրուկ նվազել է. Դավիթ Բաբայան Բողոքի ակցիա` քաղաքապետարանի դիմաց. պահանջում են տրանսպորտի խնդիրների շուտափույթ լուծում Պեսկով. Պուտինի օրակարգում Փաշինյանի հետ հանդիպում դեռ չկա Հայաստանում տեղի կունենա առաջին «Ավրորա» ֆորումը Stratfor. Ի՞նչ է նշանակում հայ-ռուսական հարաբերությունների սառնությունը Ադրբեջանն ու Թուրքիան Հայաստանի համար պատրաստում են փաթեթային համաձայնագիր Թուրքիան չարաշահում է Ինտերպոլը՝ վարչակարգի հակառակորդներին արտահանձնելու համար ՀՀ տարածքում կան դժվարանցանելի և փակ ավտոճանապարհներ, որոշ տեղերում առկա է մերկասառույց «Ժամանակ». ԵՄ-ի կողմից Նաիրա Զոհրաբյանը առաջարկ է ստացել «Հրապարակ». ԱԺ նախկին նախագահ Սամվել Նիկոյանի կնոջ դեղատունը ՀԴՄ չխփելու համար տուգանվել է «Ժողովուրդ». Արմեն Մարտիրոսյանը մեկնել է Կանադա մշտական բնակության «Հրապարակ». ՀՖՖ նախագահ Արթուր Վանեցյանի խորհրդական է նշանակվելու Զոհրապ Եգանյանը
Խմբագրի ընտրություն
website by Sargssyan