Հաստատակամ ասում եմ՝ գնալու ենք մինչև վերջ. Հովհաննես Սահակյանը անբարեխիղճ աշխատողներից ազատվելու մասին
Նմանատիպ
Սոցիալական ապահովության պետական ծառայությունն ազատվելու է անբարեխիղճ աշխատողներից: Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը:
«Բոլոր խնդիրներն իմ ուշադրության կենտրոնում են: Մենք տարածքային բաժինների հետ հանդիպումներ ենք ունենում, ներկայացնում ենք մեր մոտեցումները: Բարեխիղճ աշխատակիցների համար մենք սահմանելու ենք խրախուսման միջոցներ: Իսկ ոչ բարեխիղճներից ազատվելու ենք: Չեմ վարանում, հաստատակամ ասում եմ, գնալու եմ առաջ: Եթե վեց ամսվա ընթացքում 4-5 անգամ մարդկանց բացատրում ենք, որ մեր սկզբունքները սրանք են` լինել ազնիվ, գայթակղությունների չգնալ, մատուցել որակյալ ծառայություն, և նրանք հետևություն չեն անում, ապա համապատասխան քայլեր կձեռնարկենք նրանց նկատմամբ»,-ասաց Հովհաննես Սահակյանը` ընդգծելով, որ չկա մի բողոք, որի հետևից իրենք մինչև վերջ չգնան:
Հետևեք մեզ նաև Telegram-ում