AM | RU
USD
EUR
RUB

Զգուշացեք օձերից ստվերոտ վայրերում. Հանրապետությունում օձերի հայտնաբերման դեպքերն այս տարի նվազել են

 
 

ԵՐԵՎԱՆ, 12 ՀՈՒԼԻՍԻ, Times.am: Հայաստանի Հանրապետությունում օձերի ակտիվացման շրջանը համարվում է մայիս ամիսը: Օձերը ձմեռային քուն են մտնում, ապա ջերմաստիճանային պայմաններից կախված, ինչպես նաև ելնելով կենսաբանական առանձնահատկություններից արթնանում են հիմնականում մայիսին:

ՀՀ բնապահպանության նախարարության Բնության հատուկ պահպանվող տարածքների և դենդրոպարկերի կառավարման բաժնի պետ Արամ Աղասյանն «Արմենպրես»-ին ասաց, որ Հայաստանի Հանրապետությունում 23 տեսակի օձ կա: Միայն Երևանում հանդիպում են դրանցից 16-ը:

Աղասյանի խոսքով՝ բարձր ջերմաստիճանային պայմաններում օձերն անցնում են «ամառային քուն» և օրերով կարող են դուրս չգալ, կամ դուրս գալ գիշերվա ժամերին, առավոտյան շուտ, երբ ջերմաստիճանը տատանվում է 22-27 աստիճան: «Հենց ջերմաստիճանը 27 աստիճանից վերև է բարձրանում, իրենք թաքստոցներն են մտնում: Շոգ եղանակային պայմաններում օձերը կարող են հանդիպել աղբյուրների մոտ, նկուղներում, այսինքն` ստվերոտ վայրերում»,-հավելեց նա:

Արտակարգ իրավիճակների նախարարությունից տեղեկացնում են՝ Հանրապետությունում օձերի նկատելի լինելու և հայտնաբերման դեպքերն այս տարի նվազել են: Եթե 2017 թվականի առաջին կիսամյակում նախարարություն 297 օձի հայտնաբերման ահազանգ է ստացվել, 2018 թվականի նույն ժամանակահատվածում ահազանգերը եղել են 284 դեպքի հետ կապված:

Ուշագրավ է, որ ամենաշատ օձի հայտնաբերման դեպքերը գրանցվել են Երևանում: 2018 թվականին առաջին կիսամյակում ԱԻՆ-ը Երևանում գնացել է 132 օձի հայտնաբերման ահազանգի հետքերով, իսկ 2017 թվականի նույն ժամանակահատվածում ահազանգերը եղել են 149-ը:

Օձեր հայտնաբերման մասով երկրորդ տեղում Կոտայքի մարզն է, որտեղ 2018 թվականին հայտնաբերվել է 42, 2017 թվականի նույն ժամանակահատվածում ՝72 օձ:

Սողունների հայտնաբերման մասով այս տարի նվազագույն 3 դեպք է գրանցվել Տավուշի մարզում, նախորդ տարի 2 դեպք Գեղարքունիքի մարզում:

2018 թվականի հունիսի 1-ի դրությամբ օձերի կծելու հետևանքով թունավորման 13 դեպք է արձանագրվել, որից 7-ը մայրաքաղաքում, 2-ը Տավուշի մարզում, 3-ը Արմավիրի մարզում և 1-ը Արարատի մարզում:

Բարեբախտաբար 2018 թվականին օձի կծելուց մարդ չի մահացել:

2017 թվականի առաջին կիսամյակում արձանագրվել է օձի կծելու 45 դեպք, որից 16-ը Երևանում, 3-ական դեպքեր Տավուշի և Կոտայքի մարզերում , 7-ական դեպք Արարատի և Արմավիրի մարզերում, 5 դեպք Արագածոտնում, 1-ական դեպք Շիրակում և Սյունիքում, 2 դեպք Վայոց ձորի մարզում: 2017 թվականին օձի կծելու հետևանքով մահվան դեպքեր ևս չեն արձանագրվել:

Մասնագետները խորհուրդ են տալիս օձին տեսնելուց շատ դանդաղ հետդարձ կատարել, օձը ինքն է փախչում մարդուն տեսնելուց:

Արամ Աղասյանը նշում է, ոչ մասնագետը թունավոր օձերին ոչ թունավորներից կարող է տարբերակել մի քանի եղանակով: «Թունավոր օձերի մոտ պոչը կտրուկ է ավարտվում : Ոչ թունավոր օձերի մոտ աչքի բիբը կլոր է: Թունավորներինը կատվի աչքի նման է՝ շեղ: Ոչ թունավոր օձերի գլխի վրա կան վահանիկներ, թունավորների մոտ գլխի և մարմնի վրա թեփուկները հավասարաչափ են բաշխված»,-ասաց նա:

Օձերի կծելու դեպքում առաջինը չխառնվելն է, հաջորդ նախապայմանը անմիջապես բժշկական օգնությանը դիմելը: Մինչ բժիշկների հասնելը պետք է մեծ քանակությամբ հեղուկ խմել:

Առողջապահության նախարարությունից էլ տեղեկացրին, որ ամեն տարի գարնանը նախարարությունը շրջաբերական է ուղարկում մարզային և Երևան քաղաքի բոլոր բուժհաստատություններ ` հիվանդներին ժամանակին կանխարգելիչ և բժշկական օգնություն ցուցաբերելու, ինչպես նաև կանխարգելիչ դեղանյութերի որոշակի քանակություն տեղերում պահեստավորելու նպատակով: Տվյալ բուժհիմնարկը 10 օրյա ժամկետում պարտավոր է ապահովել հետևյալ շիճուկների և պատվաստանյութերի առկայությունը`
1) հակափայտացման անատոքսին
2) հակափայտացման շիճուկ
3) հակաբոտուլինային շիճուկ
4) օձի հակաթույն
5) հակագանգրենոզ շիճուկ
6) հակակատաղության վակցինա

Ձեռնարկված միջոցառումների մասին 5-օրյա ժամկետում բուժհիմնարկը պետք է տեղեկացնի ՀՀ ԱՆ աշխատակազմ, ինչպես նաև ՀՀ ԱՆ աշխատակազմ գրավոր տեղեկացնի յուրաքանչյուր դեպքի և ձեռնարկված միջոցառումների մասին` միաժամանակ նշելով վերոնշյալ շիճուկների և պատվաստանյութերի մնացորդների մասին:

Հարկ է նշել, որ «օձի խայթոցն» ընդգրկված է անհետաձգելի բժշկական օգնություն պահանջող հիվանդությունների և վիճակների ցանկում: Ուստի, տվյալ բուժօգնությունը բնակչության բոլոր խմբերի համար իրականացվում է անվճար հիմունքներով:

Հայաստանը հարուստ է օձատեսակներով, որոնց քանակը հասնում է 23-ի:

Այդ 23 տեսակից թունավոր են միայն 4-ը: Դրանք են՝ անդրկովկասյան գյուրզան, հայկական իժը, կովկասյան իժը, տափաստանային իժը:

Ընդ որում` տափաստանային իժի խայթոցը մահացու չէ մարդու համար:

Հայաստանի ոչ թունավոր օձերը քանակով ավելի շատ են, քան թունավոր օձերը: Ոչ թունավոր օձերից են՝ ջրային օձը, կատվաօձը, մողեսակեր օձը, մեր նշանավոր Շահմար օձը և այլն:

Լրահոս
Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ ԱՄՆ-ը պատժամիջոցներ է կիրառելու 12 ռուսական ընկերությունների նկատմամբ Վարչապետը ներկա է գտնվել ՄԱԿ-ի Գլխավոր ասամբլեայի 73-րդ նստաշրջանի ընդհանուր քննարկումների բացմանը ԱՄՆ-ի արդարադատության նախարարությունը պաշտոնապես ներկայացրել է Հայաստանում ձերբակալված թուրք Քեվին (Քեմալ) Օքսուզի մեղադրանքը Ադրբեջանում կազմակերպված ձևով իրականացվում է հայատյացության քաղաքականություն Արա Սաղաթելյանը մասնակցել է Արեւելյան գործընկերության երկրների խորհրդարանների գլխավոր քարտուղարների աշխատանքային հանդիպմանը ՌԴ-ից ՀՀ ներկրվող գազի սակագնի նվազեցման հարց երկու կողմերը դեռ չեն քննարկում Սարմեն Բաղդասարյանը նշանակվել է Քուվեյթում ՀՀ դեսպան ՀՀ նախագահը հրամանագիր է ստորագրել Գեղամ Ղարիբջանյանին ԱՄԷ-ում ՀՀ դեսպանի պաշտոնից հետ կանչելու մասին Առողջապահության նախարարությունը մանրամասներ է ներկայացրել «Սուրբ Գրիգոր Լուսավորիչ» ԲԿ-ում տեղի ունեցած պայթյունից Ուկրաինայում ադրբեջանցիներից կազմված զինված հանցախումբ է վնասազերծվել Արցախի ԱԳՆ ղեկավարն ընդունել է ֆրանսիական Ալֆորվիլ քաղաքի պատվիրակությանը ԵՄ ներկայացուցիչներն ակնկալում են իրենց կողմից Հայաստանում ներդրումների աճ և արտադրությունների հիմնում Հայաստանի անդամակցումը ԵԱՏՄ-ին բխում է մեր պետական շահերից. Էդուարդ Շարմազանով ՄԱԿ-ի գլխավոր քարտուղարը ողջունել է Իդլիբի հարցով ՌԴ-ի և Թուրքիայի համաձայնագիրը Սվիտալսկին Հայաստանի կառավարության առաջնահերթությունները բավարար է համարում ԵՄ-ի հետ առևտրի և ներդրումների զարգացման համար Իրանում Ահվազի ահաբեկչության գործով 22 մարդ է ձերբակալվել Հայաստանի և Թունիսի ԱԳ նախարարները քննարկել են երկկողմ և բազմակողմ օրակարգի մի շարք հարցեր Մերկելը ներկա չի լինի Էրդողանի այցի կապակցությամբ նախատեսված պաշտոնական ընդունելությանը Լևոն Երանոսյանը կանչվել է Հատուկ քննչական ծառայություն «Ժամանակ». Ինչպես է ՀՀԿ-ական նախկին պաշտոնյան պայքարելու կոռուպցիայի դեմ «Իրատես». Հանձնաժողովների նախագահները ներքին հրահանգ են ունեցել ԿԸՀ-ից «Փաստ». Քաղաքական կուսակցությունները փորձում են պայծառ գործով կանգնել ժողովրդի կողքին «Հրապարակ». ԱԱԾ և ՀՔԾ ղեկավարների գաղտնալսման գործով ԱԺ հանձնաժողովի նախագահի տեղակալ կընտրվի ՕՐՎԱ ԽՈՐՀՈՒՐԴԸ: Սեպտեմբերի 25 ԱԺ բոլոր խմբակցությունները պատրաստ են արտահերթ խորհրդարանական ընտրությունների անցկացման վերաբերյալ բանակցությունների Աշխատանքային այցով Հայաստանում էր Բելառուսի զինված ուժերի պատվիրակությունը Էդուարդ Շարմազանովը Բելառուսի խորհրդարանում բարձրացրել է Ադրբեջանին զենք վաճառելու հարցը Իրանի նավթի նախարար. ԱՄՆ-ին չի հաջողվի աշխարհի շուկաներից դուրս մղել իրանական նավթը Երթևեկության կազմակերպման փոփոխություն Երևան քաղաքի Կիևյան և Սեբաստիայի փողոցների չկարգավորվող հետիոտնային անցումների հատվածներում Մխիթարյանը գրեթե վերականգնվել է վնասվածքից Ռուսաստանը Սիրիային C-300-ներ է վաճառելու Արցախն անկախության նույնքան իրավունք ունի, որքան Հայաստանը, Բելառուսը եւ Ադրբեջանը. Էդուարդ Շարմազանովը՝ Մինսկում ԿԸՀ-ն կհրապարակի ընտրողների ստորագրված ցուցակները Նյու Յորքում սեպտեմբերի 26-ին տեղի է ունենալու Հայաստանի և Ադրբեջանի ԱԳ նախարարների հանդիպումը ՄԱԿ-ի ԱԽ-ն պետք է բաղկացած լինի քսան մշտական անդամներից. Էրդողան Ժամանակավորապես դադարեցվել է հանրապետության գազամատակարարումը Փաշինյանը Նյու Յորքում հանդիպել է ԱՄՆ հայ համայնքի ներկայացուցիչներին Ադրբեջանում ցեխի հրաբուխ է ժայթքել «Իմ քայլը» դաշինքը 81.06%-ով հաղթանակ տարավ Երևանի ավագանու արտահերթ ընտրություններում
Խմբագրի ընտրություն
website by Sargssyan